طريقة عمل البيتى فور والسابيلية حبيباتى انا لقيت وانا ببحث عن طريقة عمل البيتى فور لقيت طريقة ظريفة اوى يالا نشوفها مع بعض وطبعا منقول انا لسة موصلتش لكل الفن والابتكار دة انا كل مرة بعمل البتيفور عادي بس المرة دي لقيت له فكرة جمييييييلة وهي اني اعمل معاه علبة من بسكويت السابليه عشان يتحط فيها وطبعا ممكن نحط فيها اي بسكويت مش البتيفور بس بسم الله ندخل في مقادير البتيفور 4 كوب دقيق 2 كوب سمنة 1 كوب سكر بودرة نااااااااعم 3 بيضات كبيرة 2 ملعقة كبيرة حليب فانيلا 1/4 ملعقة صغيرة ملح ملعقة صغيرة بكنج بودر الطريقة تخفقي السمنة والسكر بالمضرب الكهربائي لغاية ما تبقى بيضا وتنفش جداااا بعده تحطي عليها البيض كله دفعة واحدة والفانيلا والملح وتخفقي لينفشووووووا كماااان بعدها تحطي الدقيق المضاف الية البكنج بودر كله ودلوقتي تعجني بإيديكي حوالي 10 دقايق الى ان يتشرب الدقيق كل مقدار السمنة والبيض وهتلاقي ان العجينة لينة ماتزوديش دقيق وده عادي جدا مع العجن هتلاقيها اتشربت كل مقدار السمنة وبقت متجاانسة ومتماسكة مع بعضها دلوقتي بأه تحطي الحليب وتعجني برده حوالي 5 ل10 دقايق الى ان تتشرب العجينة الحليب ويختفي الحليب وتكون العجينة متماسكة وهشة ولايوجد فيها اي سائل ظاهر دلوقتي بأه عايزة تعملي بتيفور بالشيكولاتة إقسمي العجينة قسمين وحطي على النصف اللي عايزاه بالشيكولاتة من 5 ل6 ملاعق كاكاو بودرة منخول حسب ذوقك و 2 ملعقة صغيرة قهوة مطحونة ومش هتبان في الطعم ابدآآآآآآآآآ بإذن الله بس هتخلي طعم البيتفور كأنه شوكولاتة تماااااااما وبس كده شكليه في الصواني حسب ذوقك وعلى اي شكل وبعدها تدخليه الفرن يستوي مش بياخد وقت بس لما بيستوي بإذن الله تخليه يبرد في الصواني تماما قبل ماتشيليه وبعده تحفظيه في علبة محكمة الاغلاق http://files.fatakat.com/2010/5/1274883433.jpg ودي صورة لطبق من البتيفور ندخل بقى دلوقتي بسم الله في مقادير البسكويت المشكل (السابليه) 6 ملاعق كبيرة زبدة 2صفارة بيض 3/4 كوب سكر 1/4 ملعقة صغيرة ملح فانيلا 2الى 3 ملاعق كبيرة ماااء بارد جداااا 2ملعقة كبيرة عصير ليمون باااارد 2 كوب دقيق ولو عايزة سابليه بالكاكاو تقسمس العجينة نصفين وتحطي على قسم 2 م كبيرة كاكاو و 1/4 ملعقة صغيرة قهوة وتعجينها الى تتلون بلون الكاكاو تماماااااا الطريقة تحطي الدقيق والزبدة والسكر والملح وصفار البيض ببولة وتفركي الزبدة باطراف اصابعك لغاية ماتبقى العجينة عاملة زي البقسماط الخشن والزبدة تكون زي حبات البازلاء الصغيرة بعدها تحطي عصير الليمون وتعجني العجينة كويييس اخر حاجة تحطي الماء الباااااااارد وتحطي معلقة ورا معلقة عشان ممكن العجينة مش تحتاج الا 2 م كبيرة ماء بس لما تلاقيها بقت كرة متماسكة مع بعضها خلاص افرديها بالنشابة سماكة متوسطة ولو احتجتي دقيق للفرد حطي بس يادوب دقيق بسيييط عشان تنفرد بس عشان مش يزيد مقدار الدقيق في البسكويت وقطعي باي اشكال تحبيها وتحطي البسكويت في صينية مدهونة ولما تملأي الصينية تحطيها في الثلاااااااجة عشان تبرد تماااااااما من 25 ل 30 دقيقة بعدها تحطي الصواني في الفرن من هاديء لمتوسط مش بياخد الا ربع ساعة باذن الله وطبعا تراقبيه وبس كده بسم الله ندخل في الصور http://files.fatakat.com/2010/5/1274884729.jpg اول حاجة تحطي تقعي شكل نجمة او اي شكل بالعجينة البيضا وتحطيه في الصينية http://files.fatakat.com/2010/5/1274884932.jpg وبعدين تقطعي جواها بقطاعة اصغر منها زي الصورة http://files.fatakat.com/2010/5/1274885070.jpg وتشيلي النجمة اللي قطعتيهاااا من الوسط http://files.fatakat.com/2010/5/1274885378.jpg وتحطي مكااانها نجمة بالشوكولاتة وتلصقي الحواف ببعض البضا واللي بالشوكولاتة بإيديكي http://files.fatakat.com/2010/5/1274885800.jpg ودي صورة القطاعات تستخدمي الاول القطاعة الكبيرة وبعديها القطاعة الصغيرة تفرغي بيها النجمة وآخر حاجة تقطعي نجمة بالشوكولاتة بالقطاعة المتوسطة وتحطيها في الفراااغ طبعا الطريقة دي خنيقة ومملة ههههه http://files.fatakat.com/bigsmilies/mood10.gif بس دي الطريق التقليدية لعمل البسكويت المشكل بس انا عملت وحدتين منها كده بسس لكن عشان تسهلي على نفسك وتخلصي على طوول تحطي نجمة بالشوكلاتة كبيييرة في الصينية وتحطي فوقها نجمة صغيرة بيضا وتلصقيها فوقها أو العكس وهيكون عندك نفس النتيجة بدون وجع الدماغ ده http://files.fatakat.com/2010/5/1274886138.jpg ودي صورة له بعد مااستوه وقدمته والنجوم الصغيرين دوول اللي عملتهم بالطريقة السهلة نجمة بيضا كبيرة عليها نجمة صغيرة شكولاتة دلوقتي بأه نيجي لعلبة البتيفور طبعا انا عملتها بنننفس مقادير السابليه اللي فوق بس خلتيها بيضاااا مش بالكاكاو وعشان العلبة تبقى مضبوطة كويس واعرف ألصقها ببعضها لما تستوي قطعتها على علبة بسكويت عااادية كرتون كانت عندي وبكده طلعت مضبوطة كأنها علبة حقيقية بس بتتاكل طبعا وبيبقى شكلها جديد وجميل باذن الله المهم تجيبي علبة بسكيت عندك وتقصي كل جوانبها بالمقص وتجيبي كل قطعة قصيتيها من علبة البسكويت وتحطيها قدامك وتحطي عليها ورقة زبدة وتفردي عليها قطعة من عجينة السابليه وتساوي جوانبها بالسكينة عشان تبقى مقاس الورقة اللي قصيتيها من علبة البسكويت بالضبط وبس كده تشيلي ورقة الزبدة وعليها العجينة المفرودة تحطيها في الصينية وتحطيها في الثلااااااجة من25 ل 30 دقيقة لتبرررررد تماما وتعملي نفس الحكاية مع كل جوانب العلبة وبعدين تخبزيها عااااادي بالفرن على حرارة هادية لمتوسطة الى ان يكون لونها بيج فاااتح وبعدها تخليها تبرد تمااااما قبل ما ترفعيها من الصينية عشان ما تتكسرش جوانب العلبة و تدهنيها بشكولاتة بيضا سايحة تخليها زي ماهي عاااااادي جدا المهم تلصقي جوانبها بشوكولاتة بيضا سايحة او شكولاتة سوداء حسب ذوقك ترمي عليها اشكال بالشكولاتة السايحة انت وابداعك بقى بسم الله ندخل في الصور http://files.fatakat.com/2010/5/1274889010.jpg دي صورة لما لصقت جنب وااحد من العلبة بالشكولاتة البيضا السايحة http://files.fatakat.com/2010/5/1274889134.jpg ودي لما لصقت ثلاث جوانب بفضل الله http://files.fatakat.com/2010/5/1274889239.jpg ودي لما خلصتها بفضل الله كلها والوردة وورق الشجر اللي ملصوقين عالعلبة دول قطعتهم بقطاعات صغيرة من نفس عجينة السابليه ولونت الوردة بشيكولاتة بيضا سايحة متلونة بلون وردي وورقة الشجر غطستها بشيكولاتة بيضاء وحطيت على وجهها جوز هند متلون بلون اخضر ولصقتها على العلبة عشان يبقى شكلها حلو ودي مش اساسي اطلااااااقا http://files.fatakat.com/2010/5/1274889440.jpg ودي صورة لها من الجنب http://files.fatakat.com/2010/5/1274889549.jpg ودي صورة لها من فووق http://files.fatakat.com/2010/5/1274889631.jpg ودي مملوءة بالبتيفور http://files.fatakat.com/2010/5/1274889741.jpg ودي وهي متغطية بس انا متوصية كويس ومليااااها للآخر ههههه http://files.fatakat.com/2010/5/1274889908.jpg ودي صورة لما مليت العلبة بالبسكويت المشكل http://files.fatakat.com/2010/5/1274890046.jpg ودي صورة للبتيفور والبسكويت في الطبق لما قدمتهم بفضل الله تم بحمد الله والف هنا وعافية على قلوبكم يااااارب ويااارب يعجبكم والله يعزكم ماتنسووووووش التقييييييم في امان الله ورعايته اخواتي |
رد: طريقة عمل البيتى فور والسابيلية مشكورة حبيبتى يعطيك العافية على النقل المفيد والشهى |
الساعة الآن 04:36 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0