يمه عسى مازعجتك اليوم يمه

يمه عسى مازعجتك اليوم يمه


يمّه عسى ما أزعجتك اليوم يمّه..
أحس في صدري عذاب وحريقه . .

يضمني حزني وأنا حيل أضمّه ..
كنه ضناي وشوفته شوف ضيقه ..

يمه وأنا بنتك وإذا قلت يمه ..
شوفي لحزني والمواجع طريقه ..

ضميني لصدرك ثمانين ضمه ..
ضمة عشيق (ن) مفارقن عن عشيقه ..

وكانك سألتي خاطري ويش همه؟ ..
بعلمك وأبي جواب الحقيقه ..


ليه الطعون الي بظهري عميقه ؟!!
وليه الرفيق يخون عشرة رفيقه ؟!!

وليه أنخدع في ناس كانت مهمه ؟!!
ويوم أكتشفها وهم ماله حقيقه ؟!!

وليه الذي وقت الرخا كان قمه ..
و وقت الشدايد مالقينا طريقه ؟!!

وليه الحسد يمي من عيون عمه ؟!!
وليه الخطا لو قلت كلمة رقيقه ؟!!

أزيد يمه وإلا كافي مغمّه ؟!!
أشوف عينك من هماها غريقه ..

يمه دخيلك آسفة آآه يمه ..
كني جرحتك وأنتي أغلا رفيقه ..

الله

مبدعه .. قمة الأحساس

بنتظار جديدك