اه يا دودو المواقف اللي كتيتوها كلها توجع القلب ربنا يستر علي اولادنا الحقيقة المواقف اللي عمر عملها فيا كتيييييييييييير يعني مثلا يدخل الدولاب ويقفل علي نفسه وانا افضل ادور عليه واجري في الشقة زي المجنونة ومرة يدخل في الدولاب اللي تحت الحوض وكنت باحط الكلور والمنظفات فيه في مرة بقي ودي للاسف اذي فيها نفسه وقع درج الكومود علي قدمه وكان عمره حوالي سنه ونصف فانا افتكرت انها كدمة وخلاص لكن الصباع ازرق ورحنا لدكتور وقال لازم نزيل الظفر وطبعا اتالم جدا وقتها وبعدها كذا يوم وحسي بتانيب ضمير شديد جدا وقتها
يعني ده اللي حاضرني
اه في موقف اتعرض له اخي الاصغر وهو طفل قرر يحلق ذقنه زي ما شاف بابا بيحلق (كان وقتها عمره 4 سنوات) فجاب شفرة الكبة الصغيرة وقعد يحلق ذقنه وطبعا جرح نفسه جرح غائر وكلنا اتخضينا جدا ولسه لغاية دلوقتي في علامة في وجهه منها وهو في الجامعة الان عقبال ما تشوفو اولادكم كده واشوف انا عمر كمان
اللي اتعلمته انا ان لازم يكون ابني تحت عيوني 24 ساعة مهما اكون مشغولة ورتبت حياتي علي كده