اطلب الطلاق ولا اكمل حياتى

[SIZE="6"]السلام عليكم ورحمة الله وبركاته

ازيكم يا بنات

حبيب احكى وافضفض لانى محتاجة لراى يوجهنى وينصحنى

انا مكتوب كتابي ع انسان احبه

وحصلت من فترة مشكلة كبيرة بينى وبينه و اتفقنا ع الانفصال بشكل نهائي وهو عند معايا وراح خطب واحدة تانية واحنا لسه ماانفصلناش طبعا ما تحملتش واعتبرته اهانة ليا ولكرامتى واصريت ع الطلاق واخدنا فترة ما بنكلمش بعض وانا لسه ع زمته

وبعد فترة خطيبته الى خطبها قعدت تصلح بينى وبينه لما عرفت المشكلة وهو جاه واعتذرى ع موقفه واننا ماننفصلش ونكمل مشوار حياتنا سوا

بس البنت طلبت طلب غريب انها تكون زوجة تانية لزوجى

وهو عشان مايظلمهاش وافق ع الطلب ده وحاول انه يقنعنى بيه وان الموضوع ده يفضل سر بينا احنا التلاتة

والغريب ان مامته مشجعاه ع ده

وفعلا حتهديه قطعة ارض ويبنيها ويكون لكل واحدة فينا شقة وان البنت تكون الزوجة التانية


انا اعرف البنت الى هو خطبها هى كتير مؤدبة واخلاق وطيبة بس بجد انصدمت من رد فعله ورد فعلها وطلبها

انا احبه وهى اعترفت انه بيكون معاها وتفكيره كله معايا بس الاغرب انه موافقة بده المهم انها تكون بجنبه



انا بغير عليه والايام الى فاتت ماكنتش بتمالك نفسي لما كنت اكلمها وادخل waiting كنت بحزن اوى اووووووووووووووووى

هو مش محسسنى ان ف حد تانى وان مشاعره كلها ملكى بس بينى وبين نفسي انا عارفة ده وهو ع طول بيهدينى ويعملنى بحنان غير الاول خالص الاول كان بيتعصب على وكنت انا الى ادادى واهدى


ياجماعة افيدونى اطلب الطلاق ولا اوافق ع الوضع

اولا ياحبيبتي نورتي المنتدى
ثانيا بصراحه مشكلتك غريبه جدا
شوفي لايصح الاالصحيح
والواضح ان الحكايه دي فيها لعبه او فيها حاجه مخبينها عليكي
والبنت دي لو بتحب جوزك مكنتش تتحمل تشوفو معاكي
وجوزك لو بيحبك مكنش يقدر يبتدي حياتو بالشكل ده
ياحبيبتي قبل كل شيء استخيري
بس انا حقولك رأيي بصراحه من غير زعل
لو انا مكانك او حتى اختي او بنتي ارفض اني اكمل مستحييييييييييييل
ازاي تبتدي حياتك بالشكل ده امال لما تمر كم سنه حيعمل معاكي ايه حيجوز كمان اتنين ويجبهم عندك
وعلى فكره الراجل بيفضل طول العمر يذل مراتو ويقولها انتي كنتي عارفه من الاول ولازم تستحملي
لازم تدخلي اهلك في الموضوع وحكاية البنت التانيه دي غريبه جدا انالسه مصره ان في سر بينهم او لعبه او اتفاق
طلعي نفسك من العك ده وربنا حيوفقك مع انسان يعرف قيمتك وميبدلكيش بكل حريم الدنيا
وتبتدي حياة مستقره وطبيعيه زي كل البنات
وانابنبهك اوعي تخبي حاجه زي دي على اهلك لازم يكونوا عارفين
مع اني عمري مانصحت وحده انها تدخل اهلها في مشاكلها
لكن مشكلتك انتي نوع خاص
وطالما هو مدخل اطراف كثير من كل مكان انتي كمان مش لازم تبقي لوحدك
واهلك حيشوفوا اللي انتي مش شيفاه وحينصحوكي للخير
وربنا يوفقك ويسعدك
ويبعد عنك شياطين الانس والجن
وياريت تبقي تطمنيني عليكي
واناتحت امرك في اي حاجه

السلام عليكم
انا اول شئ انصحك بيه هو الاستخارة وتسليم الامر لرب العباد ثاني شئ انا لا اوافق زوجك ان الامر يكون سر مستحيل تبدئ حياتك باسرار خطيرة مثل هذي حطي اهلك في الصورة وهم اكيد راح يفيدوك لكن كل هذا بعد الاستخارة
انا حاسة ان زوجك تسرع في الخطبة والان ليس في يده الا ان يتزوجها
كما انبهك انه غير جائز ان تطلب المرأة طلاق اختها
حاولي تعرفي تفكير الخطيبة الاخري ومقدار خوفها من الله وتمسكها بالشريعة
كما انصحك ان تقفي مع نفسك وقفة مصارحة هل تقدري تعيش مثل هذي الحياة ؟؟؟؟؟؟
واسال الله لك التوفيق
والسعادة