عندى مشكلة ممكن تساعدونى

مجتمع رجيم / أرشيف رجيم

كتبت : كلمة صدق

اهلا بك يا غالية

بصي يا قمر مشكلتك لها اكتر من نقطة
اولا ان بنتك عندية وشخصيتها قوية .. وانت طبعا مش قادرة تسيطري عليها ودي مشكلة كبيرة جدا

ثانبا موضوع البوتي والبامبرز

وللتخلص من المشكلة الاولى لازم نعالج المشكلة الاولى

بصي يا قمر
كل الدكاترة بتوع الاطفال بيقولوا ان السن المناسب لخلع البامبرز في البنات هو في حدود السنتين
وانا فعلا جربت مع بنوتي الكبيرة هي دلوقت داخلة على 3 سنين .. جربت معاها على سنة ونص وغلبتني شوية فأجلت الموضوع كام شهر وعلى سنتين كانت ما شاء الله تدخل الحمام لوحدها وتقعد على البوتي بتاعتها ..
فانت ممكن تبدأي معاها الاول التخلص من العند اللي متحكم في تصرفاتها معاك ..
لازم البيبي يعرف ان فيه غلط وصح .. وان الغلط عليه عقاب ..
وانت في كلامك بتقولي انها لسه صغيرة ومش هتفهم كلامك وده غلط .. لان البيبي من وهو لسه شهور بيفهم
حاولي يكون كلامك معاها حازم ومافيش مجال للمراوغه ..
الخطأ يكون له عقاب لو حتى ضربة خفيفة على كف اليد وخصام ومش تكلميها لحد ما تبوسك كنوع من الاعتذار يعني
طبعا تصرف باباها غلط .. منموع الاب يضرب اولاده
اولا لان الاب بيكون في السن ده رمز الحنان ومنبع الدلع .. اتفاهمي معاه وعرفيه انك قررت تغيري اسلوبك معاها .. وبلاش يضربها لان ده بيأثر في الطفل الصغير جدا خاصة لما يكون الضرب من الاب ... وده عن تجربة

نيجي بقى لموضوع البامبرز
الاول تشتري لها غيارات داخلية شورتات لانها بتقلل من كمية البلل المتسرب الى الارض لما تعمل على نفسها وهي واقفة
وخللي ده لبسها على طول في البيت بلاش تكتري لبس .. انا بعمل كده مع بناتي
وحسسيها ان القرار بايدها هي .. "لما تبقي عايزة تعملي بيبي قولي" ..دي كانت كلمتي الشهيرة السنة اللي فاتت هههه طول مانا واقفة في المطبخ او بعمل اي حاجة كنت اقول لبنتي كده .. فكانت تحس ان القرار في ايدها مش انا اللي بتحكم فيها ولازم اقعدها على البوتي
طبعا في الاول كانت تعمل الاول وبعدين تيجي تقولي .. واحدة واحدة بدأت تفهم انها تقول الاول عشان بسرعة بسرعة نقعد على البوتي
واول مرة دي كان فيه مهرجان في الحمام وبابا دخل كمان وعملنا لها حفلة ههههههه
..
وربنا يهديها لك يا غالية وتفرحي بيها

كتبت : مش لاقية اسم مش عندكو

شكرا على مرورك وافادتك لكن حبيبتى انا عارفة كل دا بس هى مش مديانى فرصة اطبق اى حاجة معاها اقعدى فاهمة وتجيبها لكن مبترضاش تعمل فيها ولو حاولت اعاقبها بمنعها من لعبتها المفضلة مثلا او خصامها تزعل وتسيبنى وتمشى تقعد بعيد ومش فارق معاها اى عقاب ودا بيحيرنى جدا فى التصرف معاها حاسة انها ناوية تجيبلى الضغط

كتبت : كلمة صدق

لا يا حبيبتي الف بعد الشر عنك ...
لما تخاصمك مش تعبريها ههههههه ... سيبيها تخاصمك ولما تيجي تكلمك قولي لها انا مخصماك عشان مش عملت في البوتي
ولازم تكوني انت المتحكمة في اسلوب التربية لانها كده هي اللي بتربيك ههههه اكيد انت برضه كنت شقية وانت صغيرة وعذبت مامتك ههههههه

تربية الاطفال صعبة جدا ومحتاجة صبر ..
انا عندي بنتي الصغيرة سنة و9 شهور وعنيدة جدا ...
لما تتحكم على حاجة عايزة تعملها اقولها لا تزعل وتعيط اقولها عيطي براحتك شوية وتسكت وتنسى ...
لازم يكون قلبك جامد
قوي قلبك شوية يا قمر ومش تخافي هي مش هيحصل لها حاجة لما تعيط كتير ...
عشان تتعلم تسمع كلامك ويكون كلامك هو بس اللي يمشي ..

كتبت : ام حنين 1981

اولا اهلا بيكي ياحبيبتي معانا في المنتدى
نورتي بوجودك وكلنا اخواتك وان شاءالله نقدر نفيدك

بالنسبه لمشكلتك اناعندي بنت زي وصفك لبنتك واكثر بكثيييييييييييييييير يعني عنيده بشكل محدش يتصوروا وتعبت معاها جدا لحد ماربنا هداها والحمدلله
شوفي حبيبتي انتي عندك مشكلتين اساسيتين لازم يتحلو الاول عشان تقدري تخليها تسمع كلامك وتحب ترضيكي
اول مشكله ودي الاصعب وجود جدتها الله يحفظها مينفعش ابدا الطفل يعرف او يحس ان في اكثر من سلطه عليه كده انتو شتتوا البنت بقت فاهمه تربيتك ليها على انها كره لأن في غيرك بيعاملها معامله العكس تماما يبقه ده هو اللي بيحبها
لازم البنت في السن ده تعرف ان الكل ماشي في اتجاه واحد وان كلامك هو الصح وهو اللي حيتنفذ في كل حال من الاحوال الاطفال في السن ده اذكياء جدا وبيحاولوا يثبتوا وجودهم ويحددوا من صاحب السلطه في البيت خصوصا الاطفال العنيدين زي بناتنا
حاولي تحلي المشكله دي مع ممتك يعني تتفقي معاها بهدوء انها متكسرش كلمتك قدام بنتك وانها توافقك على عقوبتها مدام انتي قررتي كده وكمان لازم تعودها تستأذنك في كل حاجه يعني البنت لو طلبت حاجه من جدتها تقولها روحي استأذني ماما او انازعلانه منك عشان زعلتي ماما وحجات زي دي .او انك تستقلي في بيتك مع بنتك
المشكله الثانيه تتحل بناء على الاولى وهي علاقتك ببنتك لازم يكون في حوار بينكم واضح ومتقوليش صغيره لا فاهمه كل حاجه خديها في حضنك وسأليها انتي بتحبي ماما طيب ليه بتزعليها وايه اللي ماما بتعملوا يزعلك طيب تعالي نكون اصحاب
وممكن تقوليلها حاجه اي حاجه بسيطه وتقوليلها ده سر بينا ومتقوليش لحد ويكون بينكم العاب خاصه مبتلعبهاش مع حد غيرك ولازم تخصصلها وقت كل يوم تقعدي انتي وهي وبس تتكلمو وتحكوا وتلعبوا وتتعلموا
لو لبنتك اتأكدت انك صاحبة السلطه في البيت حتقدر قيمة صداقتك وحبك وساعتها حتلاقيها بتسمع كلامك وبتدور ازاي ترضيكي
مينفعش تبتدي من الاخر وتصدري اوامر في قانون في علم نفس الاطفال بيقول بدون علاقه عاطفيه لاتطبق قوانين
اناعارفه اني طولت عليكي بس سدقيني انا مرتحتش مع بنتي غير بعد ماطبقت الكلام ده يعني عن تجربه بجد لأن اناكمان فضلت فتره عند اهلي
واتمنى اكون افدتك واناتحت امرك في اي سؤال
وفي كتاب حلو جدا انادايما ارجعلو هو مترجم اسمو حاول ان تروضني
عن الاطفال العندين والتعامل معاهم بالتفصيل ان شاءالله تستفيدي منه
وربنا يخلهالك ويباركلك فيها يارب

كتبت : الاميرة تسنيم

ربنا يعنيك ويعنا
مسئلة الحمام متصريش عليها انا بنتى مش بترضى تقعد على القصرية خالص بتقعد تصوت وعلى طول تعمل فى الصالة وهى عندها سنة واربع شهور
وعندى بنت اكبرمنها 3سنين ونصف مش بتروح الحمام غير لما افكرها وتقعد تقول مش عاوزة لحد ما تقعد تتهزهز وساعات مش بتلحق
وبتصحى من النوم تعيط مش تقول عايزة اعمل حمام لأ بقى الحدق يفهم
فانتى اصبرى على بنتك

كتبت : مش لاقية اسم مش عندكو

جزاكم الله كل خير جميعا وانا هحاول تانى وربنا يقدرنى ويقدركو على تربية الاولاد الامر فعلا طلع صعب جدا ربنا يعيينا جميعا وانا هحاول اصبر عليها شوية فى موضوع البوتى دا بعدين ابدأ اعلمها تانى وربنا يسهل

الصفحات 1 2 3

مواضيع مميزة قد تهمك

عندى سوال ممكن تساعدونى

عندي مشكلة ممكن حد يساعدني

عندى مشكلة ياريت تساعدونى

ممكن تساعدوني عندي مشكله.....؟

رجيم البروتين مع كتكوته وكل اسبوع نغير الرجيم

رسائل الزوار بإنتظار الموافقه منذ أسابيع ...

ممكن , مشكلة , تساعدوني , عندى