ادخلو وشوفو مواقفي
مجتمع رجيم / الموضوعات المميزه فى ساحة مرح
كتبت :
المشتاقة للجنان
-
كيفكو يا عزيزاتي
اليوم جايبتلكو مواقف حصلت معي
ابتدائا من طفولتي حتى يومي هذا
لكن بشرررررررط واياكم
الي تقرا مواقفي ولا تكتب رد او موقف الها
مش تتشاطرو تضحكو علي وتمشو
لا كمان ضحكينا عليكي
ايااااااااااااااااااااااااااااااااااااااكم استحلفكم بالله
مش تدخل الوحده فيكم وتقرا ونتبهدل امامها وبالاخر تقول ما عندي مواقف اذكره االحين
قال يعني عالاساس البنت كل حياتها راكزه
ها هتكتبو اكييييييييييييد
مش اتبهدل لوحدي هااااا
اممم نبدا
راح نبدا اولا بايام طفولتي يعني من عمري 4 سنوات
[COLOR="rgb(221, 160, 221)"]كان اول موقف اذكرو بحياتي
يوم ما جت امي ربي يحفظها توديني البستان انا وابن عمي وهو كان بصفي
المشكله ما كنا نحب نروح بشكل يومي المهم
جا ابن عمي الصبح عندي وهالابتسامه مفروده عوجهو
قالي يلا نروح ومسك يدي ومشينا ... مشينا بغير طريق وانا اقولو مش
منهون الطريق يقول لا اليوم هنتخبا تحت بلكونه مرات عمي ما هنروح المدرسه
وافقت الاخت وفرررحت
ورحنا جلسنا تحت هلبلكونه والاحلى من هيك كنا نغني اغاني الي نغنيها بالبستان عاساس نعيش الجو
واكلنا هالزواده ولعبنا شوي وقلنا خلاص الان الساعه 1 اكيد بدنا نروح >> رن رن رن الجرس
ونجي بدنا نطلع والا تشوفنا مرت عمي تقولنا شو تسوو هون
قلنالها هاي جيتنا من البستان
تقول اي بستان؟؟ الساعه 9 ونص ...المهم من كلمه لكلمه قريت واعترفت بلي سويناه
ورحنا عند امي وعلقناها يومها معاها
وهذا يوم وهذاك يوم لو ما خدتني بيدها وودتني عالبستان
وطبعا ابن عمي العبقري ما رجع عاد هالحركاااااااااااااات
هذا موقف تاني
اذكر واحنا صغار كان عنا ساحه كبيره تبدا من بيت جدي الله يرحمو حتى اخر البوابه من هوووووووون لهوووووووون عرفتو مساحتها صح هههههههه
و كانت الساحه كلها باطون
المهم بيوم طلعت عند ابن عمي وقالي انو عندو دراجه
وانا صرت بدي اركبها والاخ الحبيب وافق
احم احم
استعدت الحبيبه وركبت........ وهالدراجه عااااااااخر سرعه
جيت بدي اوقف الدراجه مو راضيه وانا خااايف اتعور
لا بسيطه يا رب . كلها خبطه بسياره ابن عمي وبس
وقعت وقعه الله لا يوريكوو واتعورت عوره ماكنه
وصرت ابكي ويدي تنزل منها الدم
وجا عمي يقول ليش ركبتي عليها مهو جنزيرها فالط>> يا حبيبي الان تنبهني
ويقول قبل يومين وقع عنها ابن عمك >> يعني ما يصير تنبيه الا بعد ما وقعت الوقعه ليييييش
وصراحه ابن عمي ما سلم مني
بس لقيتو بعدها بيومين اخدتو جنب بيتنا وضربتو
الان مع مواقفي بالتانويه
انا من عادتي عالمدرسه
كنت اقوم الساعه 6 ونص صباحا مشان الحق ازيط نفسي واتشيك
يعني ماشاء الله علي انيقه
المهم بيوم كالعاده صحيت من نومي اتحممت ودخلت الغرفه البس ملابسي وطبعا ما نسيت الكحل والمسكارا
والمشكله انا لما اوقف عالمرايا انسى نفسي يمكن اقعد ساعه وانا مو شاعره
ازيط هون ولا هون واكيييييد لازم اكون متشيكه منيح
شوي واحس بنت صفي جاي عندي تقول يلا شو بعدك
الساعه 8 الا 10
المهم جريت وجبت هالشنطه
ومشينا بالطريق وانا كل شوي ارتب بنفسي>> يا ارض انهدي ما عليكي قدي
والي يشوفني يعني يقول يا حظها هالراااااايقه
وماشين يا حبيبي وانظر بكل شي في اكيد لازم اتفقد
انزل عيوني لتحت ولا ازعق صوت لاااااااااااااااااااا مش معقووووووووووووووووول
بنت صفي تقولي خييير شو صاير
اطلعت علي بنت صفي وصارت تضحك وانا اضحك عنفسي
اتخيلو شو في
كنت لابسه الشبشب طاع ابي ههههههههههههه
وطبعا ارجعت البيت وغيرتو ويومها اتاخرت عن الحصه
الان يكفي مواقف
لو شفت مشاركاتكو هكتبلكو حاجه جاااااااااااااامده
اوكي بانتظاركووووووووو
[/COLOR]
