كيف تطفيشين عريسا 2

السلام عليكم
طبعا يا جماعة من كتر العرسان اللي داخلين خارجين عايزيين خطط كتيرررررررررررررررررر
مهم عرسان بالهبل
ودى الخط الاثانوية للراقصة اللولبية سوكة المفترية

النهاردة هنتكلم فى النصايح اللى هى تفرقع العريس اللى هو واهله ميهوبش ناحية بيتكم تانى ( قال يعنى انتم لاقيين )

طبعاً هو هيكون جاى هو و مامته ( حماة المستقبل )
فكك منه خالص واشتغلى ع الراس الكبيرة هى دى اللى بيدهل الحل والعقد
اسألينى أنا أمكـ مفركشاهم ملايين

أول لما تتكلمى اتكلمى عن أهلك وأصلك العالى وإن باباكى كان زميل عبد الناصر فى الكلية الحربية وجدك شارك فى الثورة العرابية وجوز بنت خالتك ماشاء الله هو اللى حاطط المناهج التعليمية فى أمريكا وحسسيها إنها جاية تاخد فشر ملكة انجلترا



طبعا انتم هتدخلو بيبسى ولا كوكاكولا أهو أى حاجة سودا والسلام تيجى انتى بقى متشربيش وتقولى أصل أنا أسنانى بتعبنى من الحاجة الساقعة

طول ما انتى بتتكلمى اخنفى أه اخنفى وكل كلامك من مناخيرك ولو عرفتى تطويلها شوية ميزعلش وارسمى غضب ربنا على وشك بصى شحورى نفسك

من المؤكد هتلاقى مامته من ستات الحجم الكبير الناس اللى متربيين ع السمن البلدى عايزك بقى متبطليش كلام عن الرجيم والاناقة والتخسيس وعايزك تظهرى مدى عشقك لامينة شلباية واد ايه هى بتهتم بالصحة وجمال البشرة وان الواحدة لازم تهتم بنفسها مهما كبرت

طبعا ممكن تكون مامتك انتى كمان من ذوات الحجم الكبير تقولى بقى لكن ماما قلبها طيب وجميلة وطيبة ياريت كل الناس زيها اساسا مفيش زى مامتى


بعد كدة اتكلمى عن التعليم وأهميته والشهادات اللى انتى واخداها ولو مش معاكى اخترعى أى شهادات اشى واحدة فى الفلسفة وواحدة فى علم النفس وواحدة فى الطب اللامعوى ( ومحدش يسالنى عن ايه )

والتناكة الاكبر بقى اقعدى وحطى رجل على رجل وهاتى رجلك فى وشها وقوليلها لا مؤخدة يا انسة

متدلهاش اى اهتمام وانتى بتتكلمى متبصلهاش وخلى صوتك عالى ومستقوية

لو كل ده محوقش

الخطة البديلة :: اطلبى شبكة بشفنتاشر الف دولار و فيلا فى المريخ ومركبة فضائية


صدقينى كدة العريس هيتفرقع هيتفرقع


مع تحيات متخصصه خراب البيوت