معاناة نفسيـه ! ارجو الدخـول

هلا بج عيني
شوفي أنا كنت قبل فكم سنة مثلج بالسبعين بس الحمد الله الحين بالخمسين وإن شاء الله اوصل لأخر الاربعين .
أنت بنت سهل تنزلين وهذا أنا متزوجة وجايبة طفلين بقيصرية وقدرت انزل !
أصلا استجابة جسمك لدايت ولرياضة بتصير عال العال .
محتاجة بس شوية عزيمة وارادة وإن شاء الله توقفين على الميزان بخفة ورشاقة وتشوفين الوزن المثالي .

كلنا يبي لنا عزيمة وقوووة + دايت + رياضة وعليها بينزل الوزن بالتاكيد

انا ماشية على نظام اتكنز- دشتي - اذا ودج بعد العيد تدشين معاي ؟
ترا واااااااايد زين وينحت الجسم

ربي يوفقك يا حبيبتي و نضعف كلنا

والله اني حاسة اني مثلك..
انا على فكرة عمري 19 سنة ومخلصة ثانوية من سنتين.. والحين بالجامعة...
انا طولي 170 ووزني قبل رمضان والرجيم كان 85 والحين الحمد لله والشكر 81 .. أحسني وايد بطيئة في نزول الوزن .. بس ان شاء الله راح اكمل لهدفي اللي هو ال70 ان شاء الله خاصة يا حبيبتي ان البنات في الجامعة يختلفون عن بنات الثانوية يا عمري..
الحين انتي حطي هدف قدامك قبل الدراسة ان شاء الله توصلين له.. عشن تدخلي الجامعة وانتي رشيقة وحلوة.. تراني وايد وايد عانيت.. خاصة اني هنا بمصر والبنات هنا مايتوصون!!
الحمد لله ان الدراسة اتاجلت شوي اصلا ولا كنت راح اموت.. تعرفين شنو؟؟ حطي براسك انك تبين تبهرين أصدقائك.. مايصدقون ان هذا انتي.. وشوفي كيف راح يكون شعورك.. واياك ان احد يحبطك ولا شي.. واتخذين في بالك.. تراني أنا نزلت ال4 ولا ال5 كيلو ه\ولة على اخر اسبوع في رمضان.. وما كان الميزان يتحرك طول الشهر عن ال84-85 .. بس صبرت وان شاء الله وياك ويا هالبنات الحلويين هنا راح نكمل باذنه تعالى..

اتمنى ما كون طولت عليج حبيبتي.. وان شاء الله بالف صحة وسلامة

شكرا يا صاحبتي يا ملكه اليزابيث

اي هبه صح كلامج كلن يقدر يوصل وانا مقتنعه ان شاء الله بعد العيد

ان ابدي معاج ليش لا بس ممكن تعطيني اياه هذا الرجيم انا سمعت عن الدشتي وايد
بس انا في البحرين عرفتي ..
ان شاء الله وقت مابنبدي خبريني عشان نشجع بعض .. والحمدلله وصلتي لي الخمسين ماشاء الله عليج
تسلمين ع الرد ..

منى
اي والله اوف ! اني خاطري ابهرهم انا بعد شهر جامعه .. ان شاء الله بعد العيد ابدي واضعف ادعي لي لاعت جبدي انا بهل جسم
وانتي بعد ان شاء الله تضعفين ونصير رشيقات اشرايج تبدين ويانا بعد



رورو
حيبتي والله

الاخت الملكة اليزابيث اول شي مرحبا هاي اول مشاركة الي بهذا المنتدى الحلو هههههه^^
وثاني شي اني قبل فترة بديت ريجيم وطبعا نص اللي كلتي ينطبق علية وعلى هواية بنات مثلا اني هم مثلج كل ما اشوف هدوم حلوة انقهر هواية لانه اعرف انه متناسبني وحتى لو لكيت القياس اللي يناسبني فمرح تكون الهدوم حلوة على جسمي لانه سمين بينما تكون حلوة على جسمي لو جنت ضعيفة,وأني مثلج ارادتي ضعيفة جدا!او بالأصح معدومة!بس اني كبل فترة جنت دا افكر بالدوام بالمناسبة اني عمري14 وطولي156ووزني 65,فجنت دا افكر بالدوام وشلون انه الدوام حيجي واني هيجي جسمي لانه صراحة اني السمن كلش مأثر على شخصيتي وبسببة ما عندي ثقة بنفسي أعرف غلط الانسان يفكر بهاي الطريقة بس مو بيدي واني دا اكون صريحة واعترف انه مأثر على شخصيتي ويمكن هذا حال هواية بنات اللي مثل وضعنا,فأني لمن تذكرت الدوام اجتني لحظة عزيمة واصرار!!وكلت لازم اضعف!!مو بس علمود الدوام او علمود الهدوم لا وانما اكو هواية اسباب ردت اضعف علمودها ومن ضمنها اكيد الصحة والسبب الاخر حتى اقوي ارادتي وما اكون شخص ضعيف وعشوائي وميكدر يتحكم بنفسة وطبعا هذا سبب لازم كلنا نهدف لاجلة,الملخص علمود ما اطول عليج اختي الملكة اليزابيث ههههه.ياريت تتحدين روحج وتبدين كبل العيد ابدي من هذه اللحظة!!واتحدي نفسج!!وكولي اني قوية!وارادتي قوية!!وححقق هدفي!!وكلنا وياج ان شاء الله كلنا نتساند علمود نوصل لحلمنا
اهاا صح اني ب22/8 بديت ريجيمي ويومية اركب على الاوربت تراك لمدة 30 دقيقة والعب تمارين منوعة ل15دقيقة ومقللة اكل وبيسبي ما اشرب بس مرات اشرب دايت وفاكهة مكثرة واتوقع هذا افضل ريجيم واحد يتبعة.
واخيرا شدي الهمة والعزيمة ودائما تحلي بالعزيمة والاصرار وروح التحدي!وكتبي يومية مذكرات اني يومية اكتب مذكرات وصراحة هواية تساعدني وتحمسني للأستمرار^______^
اتمنى ما اكون طولت عليج...

مريم اسعدني ردج وايد واستانست بكلامج ..

ترى فعلا كلامج ! السمنه ماتخلي الواحد يثق في كلامه ! انا الثقه معدومه مره ! مافيني ثقه ماحب اجوف روحي ماحب البس ماحب اطلع ماحب اتيمع
معنه الكل يقول انا حلوه ماله داعي الي اسويه بنفسي بس مثل مايقولون محد يحس بالمصيبه الا صاحب المصيبه !

اي هاي الي قلته .. انه بكتب يوميات بس مثل ماتعرفين العيد فيه عيش مايتطوف وانا خاطري فيه ههه فعقب العيد انا ببدي جد !
واشرايج تكونين معاي ونكتب اهني يومياتنه ونشجع بعص وكل مره نكتب وزن النزول وبكم فتره صدقيني بنتشجع اكثر
وتسلمين ماقصرتي والله