قصة ....خروف عيد الفطر
مجتمع رجيم / ساحة مرح
كتبت :
♥♥♥..تـرتيـل ..♥♥♥
-
كانت ام يوسف قاعده بتكلم ابو يوسف ويوسف
وبعدين قالتلهم يا ترى هنقضي العيد فين
ايه رايكم اول يوم نروح بيت العيله
الاب قال :موافق طبعا
يا سلام ده مفيش اجمل من العيد والاجتماع بالاهل
وانت يا يوسف ايه مخططاتك فى العيد؟؟
اول حاجه هعملها يا بابا انى اخرج اشتري خروف العيد
ايه يا يوسف خروف العيد ايه يا ابنى؟؟
احنا بنتكلم ع عيد الفطر عيد الكعك مش عيد اللحمه
لالالالالالالالالالالالالالالا
ملياش دخل انا عاوز اشترى الخروف
ولازم هشتريه
هشتريه يعنى هشتريه اول يوم العيد
يا ابنى الناس هتضحك عليك
يضحكوا براحتهم بس اجيب الخروف
الاب والام فضلوا يقنعوا يوسف بان العيد ده مفيهوش خروف
وان العيد اللى بنشترى فيه الخروف هو عيد الاضحى
ويوسف ولا هو هنا
فضلوا محتارين يحلوا المشكله دى ازاى ؟؟
ويوسف وراسه والف سيف هيشترى الخروف
فضل الاب والام يحاولوا يلاقوا حل
وفعلا لقوا الحل السحرى اللى هيخلي يوسف يشيل موضوع الخروف ده من دماغه ويبطل زن
ايه الحل صعب
الحل##
بابا يوسف ومامته بعد ما لقوا الحل ندهوا يوسف
يوسف جه
بابا قال ليوسف:فاضل كام يوم ورمضان ينتهى
يوسف قال :فاضل 3 ايام
بابا :طيب يا يوسف انت عمرك 7 سنين صح
وكل يوم كنت بتصوم للساعه 1 او اتنين بالكتير
قاله صح يا بابا
بابا:طيب لو قدرت تصوم التلات ايام الباقيين هجيبلك الخروف
يوسف بجد يا بابا
بابا:ايوة يا حبيبى
يوسف فضل فرحان وبيطنطط من الفرحه
اول يوم قدر يصوم بصعوبه لغايه ادان المغرب كان جعاااااااااااان اوى وعطشان اوى اوى اوى
واول ما فطر حس بسعاده جامده اوى
تانى يوم مش قادر يا ماما انا خلاص عاوز اشرب
اجمد يا واد يا يوسف عشان تشتري الخروف
وفعلا قدر لغايه ما ادن المغرب وحس بفرحه غامرة ساعه الفطار
ساعتها باباه قاله:شفت يا يوسف ازاى احنا بنفرح لما بنفطر عشان كده لما رمضان بيخلص ربنا عملنا عيد الفطر نفرح فيه ان احنا صمنا رمضان كله
يعنى مفيهوش دبح خروف ولا حاجه؟؟!!
انت يا حبيبى لو تحب ندبح هندبح ما يهمكش المهم ان الفكرة تكون وصلتلك
لا يابابا خلاص انا كفايه على انى عرفت اصوم واحس بلذه الفطار
وهستنى العيد الكبير ندبح فيه الخروف ونوزع ع الفقراء باذن الله
وتوته توته خلصت الحدوته
