تعليم الاشكال (الام مدرسة)
مجتمع رجيم / التربية و التعليم
كتبت :
يويا 268
-
حبيت اعلم ابني الاشكال الهندسية البسيطه زي المثلث الدائرة المربع وهكذا (عمره ثلاث سنوات الا شهرين) ففكرت في طريقة بسيطة
هتحتاجي ورق مقوي كذا لون ومنهم لون غامق
ترسمي الاشكال اللي هتبداي تعليمها وبعدين تستخدمي مقص لقصها بالشكل ده
ممكن تكتفي بتثبيتها علي الورق الغامق وتعليقها لكن انا حبيت ازينها شوية عشان تكون ملفته لابني فاستخدمت الصمغ وعيون بلاستيكية وglitter (عفوا لا اعرف اسمه بالعربي هو مادة بتلمع يستخدم في لف الهدايا )
بعد التزين بقي شكلهم كده
وهنا بعد ما لزقتهم علي الورق الاسود وعلقتها
ازاي بقي تعلمي الطفل؟ لو فضلتي تكرري اسمهم وبس هو كده مش استمتع وهينسي
لازم الطفل يستخدم حواسه عشان مش ينسي فالمطلوب وانتي بتكرري اسماء الاشكال (يفضل باللغتين العربي والانجليزي)
تجيبي سلسلة تكون مش مهمة عندك
وتخليه بايده يعمل الشكل وهو بيقول اسمه
مربع
مثلث
نجمة
وهكذا....
وبس كده اتمني ان الفكرة تساعدكم وطبعا ممكن تطبيقها في تعليم اشياء كتيرة زي الحروف والارقام
ملحوظة هامة:
ممكن تبداي في تعليم الطفل من سن 3 سنوات لكن لا تتركيه مع السلسلة بدون مراقبة حتي لا يأذي نفسه لا قدر الله
ربنا يحفظ لكم ابنائكم ولو عجبكم الموضوع اسالكم الدعوة الصالحة
الموضوع من افكاري وتنقيذي حصربا لمنتدي رجيم فقط
