وشَـلوؤنِ نـورهَ !؟
مجتمع رجيم / فيض القلم
كتبت :
ناز
-
هذا قصه حلوة حبيت اشارك بيها مجتمع رجيم
خسر ماله وحلاله عشان يعرف (( شلون نوره )) !!
قصة يقال بأنها حدثت في قديم الزمان . . .
... بين ولد اسمه عايش وبنت اسمها نوره
كانوا يحبون بعض واتفقوا إنهم يتزوجون
راح عايش لأبو نوره وطلبها منه . . .
لكن ابو نورة رفض بحجة إن عايش فقير ومازال صغير !
قرر عايش ان يسافر ويعمل في ارض الله الواسعة طلباً للرزق والتجارة ..
وقال لحبيبته نوره : انا بسافر اتاجر وبارجع بإذن الله غني عشان اتزوجك !
لـــــكن اوعديني إنك ماتتزوجين غيري
فردت عليه نوره : اوعـــــــدك
ســـافر عايش بتاجر ورجع بعد سنة وعنده من الخير الكثير
وسأل عن نوره وقالو له انها تزوجت
جن جنونه . . واخذ يصارخ . . ليش ؟ هي وعدتني ماتتزوج . .
قالو له : زوجوها واحد غصب عنها وهو من خارج القرية اللي كانت تسكنها ومايعرفون اسمه ولا مكانه . .
راح عايش يدور من قرية لي قرية ومن مدينة لي مدينة وكان دايما يروح لأماكن تجمع الرجال ويقول لهم :
عندي لغز واللي يجاوب عليه اعطيه كل مالي وحلالي وبعطيكم فرصة اليوم وبكرة ولكم الحرية انكم تسألون أهلكم ..
واللغز هو :
(( ابي انشدك عن ضي القمر وشلون نوره ))
كل مرة يجاوب واحد
اللي يقول لونه ابيض واللي يقول رمادي واللي ماعنده اجابه . .
وفي احدى المدن قال لهم اللغز ورجع واحد من الموجودين لزوجته وخبرها انه في واحد مجنون
يقول بيعطي كل ماله وحلاله للي يجاوب على لغز . .
زوجته جاها فضول تعرف شنو اللغز
قال :
(( ابي انشدك عن ضي القمر وشلون نوره ))
ابتسمت وقالت :
قول له :
(( مثل السمك من دون البحر وشلون عايش ))
قال لها : متأكدة من الحل ؟
قالت : اي متأكدة
اليوم الثاني قال الرجال لعايش :
انت قلت :
(( ابي انشدك عن ضي القمر وشلون نوره ))
وحل اللغز :
(( مثل السمك من دون البحر وشلون عايش ))
ابــــــتسم عايش وقال :
مالي وحلالي كله لك بـــس سلم لي على نوره
خسر ماله وحلاله اللي تعب في جمعه بس عشان يعرف (( شلون نوره ))
هذا هو (( الــحـــــب )) ياللي تسألون عنه
