ريحة دولاب حلوة على طول
مجتمع رجيم / الموضوعات المميزة فى التجارب والحلول المنزلية
كتبت :
محبة رسول الهدى
-
ازيكم ياأحلى قمرات
طبعا كلنا او بعضنا عندة المشكلة دى
انا واحدة من الناس دولابى الحمد لله منظم ومرتب بس فية مشكلة وهى ايييييييية بقى ريحتة مش حلوة بلاش مش حلوة مش طالع منة ريحة اصلا وكان بيخنقنى كل ماافتح الدولاب
وكنت بتجنن فى عقلى وارشة برفان لما خلصت ازايز البرفانات على الدولاب
وطبعا المعطر اللى فى المحلات والحاجات دى بتبقى غالية
فقولت اشغل الفوكيرة والحمد لله لقيت الحل
أنا مش عارفة مالى رغاية ليةخلاص اهو هدخل فى الموضوع من غير ضرب بس
هاتى ياستى قرنفل
هتقوليلى قرنفل هقولك هاتى وجربى وعلى ضمانتى والله ريحتة فى الدولاب تجنن
من عند العطار طبعا وسعرة مش غالى وهاتى على ادك يعنى ممكن تقولى للراجل يديكى ب2 أو3 جنية عادى جدا
بس هاتى اعواد مش مطحون
وأنقعى القرنفل فى كوباية مية وسيبية يجى 3 ساعات كدة
وبعدين طلعية ونشفية فى الشمس او تحت المروحة زى مابنشف النعناع
وبعدين اطحنية
وبعدين حطية فى حتة شاشة او لوعندك كيس السبوع اللى هو الدانتيل دة كلنا عارفينة طبعا واقفليها كويس وحطية فى الدولاب
وشوفى ياستى ريحة دولابك بقى كل ماتتفتحى الدولاب ولا احسن معطر وطبيعى
بس خلاص