تعالى معايا نضفى حمامك
مجتمع رجيم / الموضوعات المميزة فى التجارب والحلول المنزلية
كتبت :
محبة رسول الهدى
-
السلام عليكم ورحمة الله وبركاتة
أكيد زهقتوا منى
المهم بحب أفيد بأفكارى
نظرا للكسل اللى منتشر فى الجو
الموضوع ده هنعمل مره او مرتين فى الشهر
فيه احلى من كده بقا ههههههههههههه
هندخل بقا فى الجد هنجيب
كوبايه صغيره كلور
وكوبايه كبيره صابون سائل
فنجان ديتول عليهم
وعليهم مايه
نخلطهم كلهم فى جردل
قبل اى حاجه ( اهم حاجه )
هنجيب فلاش ونرش الارضيه والبانيو
والقاعده بيه وبفرشه صغيره هنوزعه ونسيبه 5 دقايق
هايفتت اى صدا و اى اوساخ وكله كله
بس اوعى تعملى الخطوه دى مع الخلطه بتاعتنا
لان ممنوع يجتمع كلور وفلاش فى وقت واحد
يعنى استنى 5 دقايق ونزلى الفلاش اللى على الارض بمايه وابدئ براحتك
هتلبسى الجوانتى بتاعك عشان ايدك وظوافرك ما تبوظش
وبعدين بجيب السلك ( سلك المواعين خشن او ناعم )
وبعدين ادعك الاول ازايز الشامبو والصابانات البلاستيك والركنه البلاستك وكله
لغايه ما يبقوا بيلمعوا
اجى على الشباك بقا وانفضه
من العفره بره وجوه ولو فى ستاره اغسلها واركبها فى نفس الوقت هتنشف هتنشف
ولو فى ستاند ادعكه دعكااا والباب طبعا نفس النظام
ونجى بقا للخلطه
ونغسل اولا الحوض والبانيو من بره وجوه بالخلاطات وكله
وبعدين الحوائط كلها
واخر حاجه القاعده من بره وجوه ليه
عشان ما ينفعش نوسخ السلكه بالقاعده ونخلط الدنيا على بعضها
وبعدين نرمى السلكه بقا
ونشطف بالمايه وننشف الأرضيه بالمساحه
وبعدين نقطه فينك فى كل ركن فى الحمام وننزل بالمساحه لانها هتسيب ريحه حلوه
+ معطر الجو بأى ريحه سواء ورد او برتقال او فل اى حاجه
