كيفكن غالياتي وردات منتداي الغالي : بدك شعرك يصير سوبر مجعد أو مجعد جدا متل هالصورة بدون ما يفك ويفرد ومن دون استعمال حراري او سيشوار أو حتى اي شي يضر الشعر
والله رح اعطيكن حل من تجربتي الخاصة انا كل كم يوم بعمل شعري بهالطريقة مع العلم انو شعري سوبر ناعم يعني بالعادة أول ما اعمله بالبوكادين متل يلي بالصورة بعد 5 دقايق يفرد وينتزع ويسودلي وجهي ولا كأن كنت مهتمة بشعري
المهم الطريقة سهلة جدا ومابدها تعب بس تحممي شعرك لفيه بفوطة ناشفة حتى تمتص الماء يلي فيه وبعدها افرقي شعرك نصفين
وكل نصف اعملي فيه 3 ضفاير متل هدول وشدي الضفرة منيح وبعد كم ساعة أو اذا بدك من الصبح للمسا او من المسا للصبح فكي الضفائر حيكون شكلهم هيك وشوفي شعرك والله منظر روعة وبجنن طبعا مرري اصابعك بلطف كبير بين خصل شعرك حتى مايضلو مجمعين وشوفو شعركن كيف يكون مجعد جدا وبتنسيق رائع