كيف تعرفت على منتدى رجيم

انا من 5 سنين اتابع المواضيع

لان حياتي دائما رجيم

و سجلت فيه لاني بدي دافع عشان انحف

يسلمووو حبيبتي عالموضوع الحلو جدا
اما قصتي فهي قصه
ممممممم الم مراق تسمعو
طبعا انا دبدوبه طول عمريمن وانا وصغيره وانا دبدوبه طبعا الصحه كانت شاطبه كل ملامح الجمال يلي عندي
المهم عوضت هالشي بالدراسه والحمدلله تفوقت وخلصت الثانويه وهون دخلت الجامعه وبلشت المعانااااه
طبعا انتقادات وحكي وكن ت شوف البنات بسني بيلبسو ورشيقات طبعا اتحطمت وهون قررت خلص لازم اغير كل هالوضع كلو
طبعا عملت ريجيم ونزلت من 92 لل 65 واواووووووو
وطبعا هلا بينت ملامحي لما داب التلج
والحمدلله تغيرت نفسيتي وبرضو اتخرجت الحمدلله
ممم هلا اجت قعدة البيت والاهمال المهم وصل وزني ل80 وبرضو ما صحيتلحتى وصل وزني 90 وانا على وش جوااااااااااااز
افففففففففف هلا رجعت ريجيم ورياضه لحتى وصلت 75 وزن حلو وحتى شكلي كان حلو مو بطال
طبعا خطبت الحمدلله عالستر
زوجي الحمدلله من الشباب يلي بهمهم الشكل اهم شي الدين والاخلاق وهاد يلي حبيته في انو مو انسان سطحي
طبعا اتزوجت وحملت وهوووووووووووون بلشت مره تالته
طبعا اشتهي كلشي واطلب كلشي واكل واكل واكل وصل بوزني بالرابع 92 شو خليت للخمس اشهر الي جاي
المهم
ما قدرت اولد طبيعي وولدت قيصري كمان مو بنج كامل تعزبت والله
اتنفخت ايدي ورجلي وما لقيت شي البسه لنفاسي ومع كل هاد الضغط اكتئاب ما بعد الولاده
وتكتمل القصه بانوو خلص اعتزلت العالم حتى طلعات اخر الاسبوع ما كنت اطلعها ومناسبات كمان وغير هيك لا لبس زي العالم
صرت اكبر من عمري ب10 سنين يااااااه بس اتزكر معدتي بتلعي
المهم زوجي يا حرام ولا انتقدني ابدا ولا زعل من شكلي على العكس لكن وصل القصور لبيتي ابني وزوجي هون اتدخل
وهون حكالي انتي غلط اصحي
سجلت بنادي اسبوع وتركت ورجعت لعاداتي
لحد ما وصل وزني 120 وصرت سخرية الجميع
نكته وحدا دايما موضوع القعده االمسلي
المهم خلص قررت اعمل فحوصات وطلع عندي الغده الدرقيه وبلشت اخد دواها تنشطت شوي سجلت بنادي وطبعا ما في اراده لريجم فعملت تخفيف ونزلت لرمضان 95 وبعدا ممممممم طلعت عالميزان عالعيد ووزني 98
لالالالالالالا بدي ارجع رقمين
هون بلشت ادور واحوص بالمنتديات عشان ريجم اثبت عليه
ومنتدى لقيت الريجم المركب وفعلا قرات الموضوع كامل عدد صفحاته 558 صفحه خلالها جربت سجل فيه بس للهلا ما عطوني موافقه
م بعرف ليش مو عايزه وقت
وصدفه دخلت هون وسجلت وهون المفاجاه مباشره سجلت ودخلت وعلقت واوووو وين يا منتدى ريجيم كنت
وهون بلش التشجيع والحكي الحلو واالتجارب اليوميه
والفضفضه والحمدلله من هداك الوقت لهلا نزل وزني 10 كيلو ومو حاسه بالوقت او بالمعاناه بالعكس بكل راحه وحب وتنافس شريف
منتدى ريجيم غير يومي وغناني عن اي تاني يعني كلشي فيه
فشكرا ريجيم وشكرا الكم وردات ريجيم
ومستمررررررين معكم للوصول للهدف

ما شاء الموضوع حلو وفكرته حلوة

امم كيف اشتركت ؟

كان يا مكان في سنة 2010 صار لي موقف سخيف بمنتدى نسائي ثاني

فمرة من الطفش كتبت بمحرك البحث (يوميات رجيم) فطلع لي المنتدى وسجلت فيه على اساس اشترك فيه واغير جو

بس ما كتبت ولا مشاركة لين تاريخ 25/6/2011 كتبت يومياتي و اشتركت بالمسابقات و فجأة صرت وردة محترفة وحاطة المنتدى صفحة البداية للمتصفح مالي

ويعطيج العافية ريما على الموضوع الحلو

كيفكن شو اخباركن؟
انا تعرفت على المنتدى من خلال البحث واستمريت فيه لانه منتدى رائع بمعنى الكلمة
المشرفات والاعضاء متعاونات الله يجزاهم الخير

حكايتي متل حكاية أغلب البنات
كنت كتير كرهانة جسمي وبدي رجيم وشفت المنتدىواشتركت فيه
واستمريت فيه بسبب التعامل الراقي والحلو بين العضوات وبصراحة هلأ ما بدخل الا على هالمنتدى
تسلميلي حبيبتي على موضوعك الحلو