تعرفى ان ممكن تواجدك فى المنتدى او على الانترنت عموما يبقى سبب دخولك الجنه ان شاء الله
مجتمع رجيم / الموضوعات الاسلامية المميزة .. لا للمنقول
كتبت :
القلب المغلق للصيانه
-
ممكن تردى السلام علشان تاخدى ثواب
قولى وعليكم السلام ورحمه الله وبركاته
ازيكم يا بنات عاملين ايه يارب تكونوا بخير
بالله عليكم متنسوش تدعولى بفك الكرب وان ربنا يردلى حقى وزوج صالح يقر به عينى وجميع بنات المسلمين
هتكلم معاكم انهارده عن موضوع مهم جداااااااا وعايزه كل بنت تسأله لنفسها
انتى بتدخلى المنتدى ليه ؟؟؟؟ او بتدخلى على النت ليه وبتشتركى ليه فى المنتديات ؟؟؟
هلاقى بنت تقول انا بشترك فى منتدى كذا علشان فيه مواضيع حلوه وفى منتدى كذا علشان بيعمل نشاطات اجتماعيه كتيره وجميله واللى بتدخل النت علشان تدخل على الفيس وتكلم صديقاتها واللى بتدخل النت تعمل تشات مع اى حد وخلاص
طيب كل الحاجات اللى قولتها دى مفيهاش افاده لحد يعنى انتى لما تعملى تشات مع حد هل انتى استفدتى اللى بتتكلمى معاه استفاد ؟؟؟؟
انا شايفه ان النت عموما مش المنتديات سلاح ذو حدين يعنى قد ما هو نعمه فهو نقمه لناس كتييييييييييييير والشاطر بقى اللى يعرف يستخدمه صح يعنى زى ما ناس بتنشر على المنتديات قراءن وخير كتير ناس برضه بتنشر الفساد وبتحارب الاسلام
ودى بعض اضرار الانترنت
1- إضاعة الأوقات ( وده للناس اللى بتدخل بتعمل اى حاجه او تتكلم فى شات ومش بتستخدمه فى خدمه دينها )
2- التعرف على صحبة السوء ( ودول طبعا منتششريين جدا جدا ولاننا على النت مختفيين ورا شاشات فسها جدا الناس تخدع بعض)
3- زعزعة العقائد والتشكيك فيها ( وطبعا دول منتشرين كتير على النت ربنا يهديهم )
4- نشر الكفر والإلحاد.
5- الوقوع في شراك التنصير .
6- تدمير الأخلاق ونشر الرذائل .
7- التقليد الأعمى للنصارى والافتتان ببلادهم .
8- إهمال الصلاة وضعف الاهتمام بها ( الا من رحم ربى طبعا لان النت اوقات بنبقى مدمنين عليه وبيعطلنا عن الصلاه )
9- التعرف على أساليب الإرهاب والتخريب .
10- الغرق في أوحال الدعارة والفساد .
11- إشاعة الخمول والكسل .
12- الإصابة بالإمراض النفسية .
13- إضاعة مستوى التعليم .
14- التجسس على الأسرار الشخصية .
15- انهيار الحياة الزوجية . ( وده طبعا بانشغال الزوجه عن بيتها وعن مهامها الزوجيه )
وطبعا زى ما ذكرت انه زى ما له اضرار له فوائد ودى فوائده
1- الدعوة إلى الإسلام وبيان محاسنه .
2- الرد على الشبهات التي تثار حول الإسلام ودحضها .
3- محاربة البدع والتصدي لدعاتها .
4- نشر العلم النافع والأخلاق الحسنة .
5- معرفة العلوم الكونية والأخذ بأسباب التقدم والرقي .
6- الاستفادة منه في الأبحاث العلمية .
7- التعرف على أحدث التقارير والدراسات والإحصاءات في مختلف المجالات .
8- سهولة الاتصال بالعلماء لأخذ الفتوى عنهم والاستنارة بآرائهم .
9- الإعلان عن محاضرات العلماء ومتابعتها عبر الإنترنت .
10- التعرف على أحوال المسلمين في العالم ومتابعة أخبارهم .
فأنا عايزاكم من انهارده تجددوا النيه بأن تواجدكم ان شاء الله على النت بغض النظر بقى فى المنتدى هنا ولا على الفيس ولا على الايميل خير وحسنات ليكم
يعنى مواضيعك تبقى هادفه بتفسر مثلا ايات فى القراءن او عن فضل الاذكار فضل الاستغفار الصلاه على النبى وهكذا
وعلى فكره مش لازم مواضيعك كلها تبقى بتتكلم عن مواضيع اسلاميه لا انتى ممكن مواضيعك تبقى فى قسم المطبخ او الاعمال اليدويه او التدبير المنزلى وبرضه ان شاء الله ده خير برضه لانك لو اخلصتى النيه انها لوجه الله هتبقى فى ميزان حسناتك
لان مثلا مواضيعك اللى فى قسم المطبخ شوفى هيدخل عليها كام عضوه او زائره تتعلم منها واللى هتعمل الاكله دى لجوزها تفرحه وانتى هتبقى السبب فى ده
ولو مثلا كتبتى نظام غذائى للتخسيس وكنتى سبب فى بنت انها تخس وحياتها تتغير هيبقى كله فى ميزان حسناتك ان شاء الله
وهكذا برضه فى بقيه الاقسام
عايزين نبقى كل كلامنا هنا فى المنتدى فى ميزان حسناتنا وكل كلمه نفرح يوم القيامه اننا قولناها وميتكتبش فى كتابنا كلام نندم عليه او كلام يبقى لينا سيئات جاريه
حاجه تانيه هتكلم عنها غير مواضيعنا رددودنا كمان ممكن تبقى سيئات وممكن تبقى حسنات
يعنى عضوه مثلا عايزه رأينا فى حاجه ممكن تقولى رأيك بطريقه تفرحها وتشرح قلبها وتبقى سبب فى ادخال السرور فى قلب اختك
وممكن تقوليه بطريقه مش كويسه وهى تزعل
فبرضه مشاركتنا مهمه اووووووووى ياريت ناخد بالنا منها
وخلينا فاكرين على طووول
