...أغسلى المواعين بسهولة ...
مجتمع رجيم / الموضوعات المميزة فى التجارب والحلول المنزلية
كتبت :
محبة رسول الهدى
-
السلام عليكم ورحمة الله وبركاته
فكرة وخطرت لى وطبقتها وسهلت على كتييير جدا غسل المواعين
هاتى طبق بلاستيك متوسط وخالى دايما فى الحوض وأنتى بتغسلى أيديكى وما أكثر ذلك وأنتى واقفة فى المطبخ هيتملى شوية مياه وأنتى بتطبخى عندك طبق معلقة أتوسخت حطيها فى الطبق هتلاقيهم أشطفه وسهل عليكى غسلهم بالماء والصابون
حطيتى الغداء ولميتى الأطباق طبعا الطبق مليان مياه حطى فى بسرعة المواعين لفى لفة وحطى بواقى الأكل فى الثلاجةونضفى الترابيزة تلاقى الأطباق سهلة فى الغسيل
هاتى فوطة المطبخ وبلى البوتجاز بالمياه بس وسبيه 5ق وارجعى أغسليه بالماء الصابون
فوائد هذه الطريقة أعدنا أستخدام المياه وشوفى وأنتى بتكبى المياه فى الحوض أد أيه مياه بنستخدمها وبنا هيحاسبنا ربنا عليها فى ناس ماعندهاش النعمة ديه
تانى حاجة النقع اللى هيوفر كتير من مجهودك ومن الصابون
قبل غسيل الحوائط رشى الصابون عليها ولفى لفة وأرجعى أغسليها
لاتنسينى بالدعاء ولاتنسى تقولى رأيك بالتفيييم