مساء الخير
شخباركم وشمسوين وشالدنيا وياكم ان شاء الله بخير
انا حامل بتووووم ولله الحمد والمنه بعد ما استعملت حبوب كلوميد الحمد الله حتى يبلغ الحمد منتهاه الشهر الي بعده حملت والحمد الله بعد ما سويت الإيكو طبعا بمستشفى خاص .....الشي الحلو اني رحة العياده الحكوميه للحوامل من الشهر الاول وقلت للدكتوره متاخره علي الدوره وبسوي فحص حمل وبعد ما سويت قالتلي انت حامل قلتلها انزين بفتح كرت متابعه قالت لسه بدري وبصراحه اسلوبها ماعجبني وكل مشغوله بالتلفون المهم رحة العياده الي بالمنطقه الي يسكنون فيها اهلي وقلت للدكتوره بفتح كرت متابعه قالت ليش ماتروحي منطقتج قلتلها انا حاليا عند اهلي لان زوجي رايح دراسه ومن هالكلام فبتكون مراجعاتي هنا عندكم وبعد ما قصيت قصة حياتي قالت تعالي بكره قلتلها انزين ممكن اتسويلي اشعه حتى اعرف البيبي بالرحم ولا بالقناه لان فتره جاتني هواجس قالت خليك من هذي الوساوس انت مو اول مره تحملي....المهم قلت الحكايه مبدهاش رحت مستشفى خاص وفصصو بطني بالاشعه زين ما زين وبشروني ان تووووووم فحمدت الله وسبحان الله وشوفو حكمة الله ان بالعياده الاولى هناك تشتغل بنت عمتي ممرضه في قسم النساء والولاده وربكم ماراد اصرح عن توائيمي بدري ولا العايله كلها بتعرف ....وبالعياده الثانيه الدكتوره رفيجة رفيجتي ومتقابلين كذا مره عند رفيجتي بس مو ماخذه ومعطيه معها وما اضمن بصراحه ان اتقولها رفيجتج حامل بتووم وبيني وبينكم خفت من العيييين
واسال الله ان يتمم علي الحمل وع كل الحوامل ويثبتلي اياه يارب
ولا وحدة حاامل بتوأم
