صفاء القلب راحة وسعادة للبدن والروح
مجتمع رجيم / التنمية البشرية وتطوير الذات
كتبت :
|| (أفنان) l|
-
إذا أردت أن تعيش سعيداً بإذن الله
ب صفاء القلب راحة وسعادة للبدن والروح
إبتسم في المحن , فالابتسامة خير ما يداوى الجراح
للحياة ألوان ..إن أردنا أن نعيش جميعها ..
نقلتها لكم لطرافتها , أترك لكم مُتعة القراءة
إذا أردت أن تعيش سعيداً بإذن الله
ب صفاء القلب راحة وسعادة للبدن والروح
إذا أردت أن تعيش سعيداً فلا تحلل كل شي فإن الذين حللو الألماس وجدوه فحماً
تعال بس ولا يهمك .. و أسمع النصائح .. اللي طالعة من قلب ناصحة لكم محبة
لاتفكر في شيخوخة ولا كبر ولا زهايمر.. !
لكم أنتم فقط .. أقولكم هذي النصائح ..
اتركوا كل اللي حواليكم .. أي شي شاغل بالكم خلّوه عنكم شوي ..
لحد ماتخلصون القراءة
بسم الله .. نبدأ ؟!
مستعدين … ؟!
أول النصائح ..
خل عنك الرياضيات !! والأرقام !
الحين بالله .. العمر ، الوزن ، الطول .. ماهي بأرقام ؟!!
وش لك فيها ؟!
لاتحسبها وتقول أنا كبرت !!
خلي الطبيب هو اللي يحسبها .. أنت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي: ل ا ..ت ح س ب… ع م ر ك .. !
صاحب الأصدقاء اللي يحبون الوناسة و وساعة الصدر .
ياخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
ملاحظة لك : إذا شفت ربعك ابتعدوا عنك .. حط ببالك أنك من النوع الثاني ..
اللي يحوم الكبد!
لاتتوقف عن التعلم!
تعلم الكمبيوتر، الحرف اليدوية ، الزراعة، أي حرفة .. أي شغلة !
بس تعلم !!
لا تعطل مخك أبداً .. خليه دايماً شغال !
يقولك :
‘An idle mind is the devil’sworkshop!
And the devil’s name isAlzheimer’s !
بالأوردو تعني : المخ الفاضي.. مصنع لتكوين الزهايمر !
استمتع بالأشياء البسيطة !
استمتع بكل شي تشوفه .. بأكله حلوة تحبها .. بصوت عصفور عجبك ..
باجتماع عائلي حميم .. بمنظر الغيوم.. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي أنت عايشها .. بتذكر الهم اللي صار لك قبل يومين!!
والله أنك مو وجه نعمة ! ويبي لك وشسمه << طيب لاتدف ..
أضحك ضحكة قوية ومن قلب !
أطلق ضحكة طويييلة و بصوت عالي طبعاً مع اصدقاءك .. وإلا يخرب البرسيتج ..
ضحكة تخليك تأخذ نفس عميق ..تحس معها أن كل الأكسجين اللي بالعالم
دخل في كامل رئتيك !!
وإذا عندك أصدقاء مرحين وتضحك معاهم على طول .. أستغل الفرصة
وأقضى معهم أطول فترة ممكنة ..
الدموع لابد منها !
تحمّل .. أحزن .. و ..عدّيها !!
الشخص الوحيد اللي يستمر معاك طـول حياتك هو ‘ أنت‘ ! فلا تحمله
ما لا يطيق من الحزن طول حياته !
عيش حياتك دامك عايش !!
خلي دايماً الأشياء اللي تحبها حواليك ..و تحيط بك ..
سواء كانت عائلة .. حيوان أليف تحبه .. نبته ترعاها بنفسك ..
هواية.. وات افر ‘ أي شي ‘!
بيتك .. هو ملاذك الوحيد .. فأجعله مأوى للاستمتاع ..
صحتك ..!
إن كانت ممتازة .. أحمد ربك .. و حافظ عليها ..
وإن كانت غير مستقرة … حسنها .. وأهتم بها أكثر ..
وإن لم يكن بوسعك تحسينها… أطلب المساعدة ..
::
لاتذهب في رحلات ‘ لوم الذات والإحساس بالذنب ‘ مع النفس !
بل أذهب إلى رحلات للسوق.. للبر ..سافر .. أذهب لمكان فيه
سعادة لك .. ولكن إياك و رحلات جلد الذات !
قل للأشخاص اللي تحبهم .. أنك تحبهم .. في أي وقت وبكل وقت تسنح الفرصة ..!
ستندم كثيراً .. إن رحل عنك شخص للأبد .. وهو لايعلم إنك تحبه !
لأن جرأتك خذلتك و أبيت إلا تقولها له !
شفيها لو تقول لأمك : يمه أنا احبك ! … قد تستغرب هي بالبداية…
ولكن إن قلتها مراراً وتكراراً … سترى أنت نتائج مذهلة !
ماذا تنتظر !!! طبقها الآن !
وأخيراً … تذكر .. !
الزيادة في العمر إلزامية… ولكن الحفاظ على الشباب اختياري… !
والسعادة الحقيقة تكمن في معرفة الله ورضاه ...
.. ودمتم ..
