خيانه امام عيني

قصة حب دامت سنه وصلنا للخطوبه هو إنسان مثقف طبيب وانا مترجمه علاقتنه متناسقة عوائلنا كمان من كل النواحي تناسق الا ناحيه وحده انا احبه اكثر مما هو يحبني المهم انا ساكنه ببلد تاني ف اجه بيشوفني قبل منبلش ب إجراءات رسميه للارتباط لما كان مشغول فتشت موبايله شفت جات مع وحده مش منيحه ومتفقين تجي لعندو بالاوتيل بالليل كنت طالعه معه بالمطعم خلصنا اكل خبرني يلا روحي للبيت ما تتاخري انا بعرف انو بدو يجيبها ف رحت وعملت حالي رحت للبيت بس انا كنت عم راقبو لحد باب غرفتو وشفت بعيني كلشي صار ودخلت عليه الغرفه وقلتلو الله يسامحك ورحت .. هلا هو عم يطلب السماح وبيقول اتغيرت وعمري مارح خونك وبدئ نتزوج ب اقرب وقت وشو بدك ضمانات اعمل بس ما تتركييني بدّي نصيحتكن ارجع ولا لا واذا رجعت شو ممكن يصير ضمان يمنع خيانتو مابعرف كتير مجروحه انا شفت بعيني كلشي صار

مرحبا عزيزتي
كيف حالك
والله الصراحة صعب جداً انصحك بشي
لان اعرف شو هو الحب الكبير و كيف صعب تركوا
واعرف كيف الخيانة توجع
محد يقدر يقلك شو تعملي غير انت بس انت الي تعرفي هو
وتعرفي نفسك اذا تقدري اتسامحي و تنسي لان اذا ما نسيتي راح تكون حياتكم جحيم
اذا كنتي راح ترجعين لازم ينددددددم كثير ويعمل أشياء كثير حتى يرضيكي

والله يصبرك و يبرد قلبك
طمنيني عليكي

حبيبتي
ربنا يعينك ويصبرك
انا لو كنت مكانك
مستحيل اعيش مع احد خائن
لانو قبل ما يخونك خان ربنا اللي شايفو
واكيد انتي مابدك تعيشي مع واحد ما بخاف من الله لانو اللي مابخاف من ربو ممكن يعمل اي شي
واذا سامحتيه ورجعتي صدقيني كل حياتك حتكون مبنية عالشك
احنا الحمد لله الاهالي فمنكقتي بدورو عالدين اول شي حتى لو كان عملو قليل او مش دارس
صاحب الدين حبيه وحطيه بعينيكي حتى لو كان عملو مش شي كتير والخاين دوسي عقلبك وابعديه حتى لو انجرحتي لانو مالو مكان
حبيبتي بنصحك تتركيه وتحتسبي عند الله وادعي ربنا انو يرزقك الشاب الصالح اللي تكون انتي واياه سوا فالدنيا وفالاخرة
وتجتمعو ببيت بخاف الله وبعبدو وصدقيني حتكوني متاكدة انك عملتي الشي الصح
واخر شي حكمي عقلك وما تردي عقلبك
واعرفي انو القلوب متقلبة
ممكن اليوم تكوني بتحبيه ومستعدة تعملي اي شي مشانو
وبكرة تكرهيه وما تطيقيه
مابعرف ربنا يصبرك ويكون بعونك
ويحفظك
وفكري بالموضوع بعقلك مو بقلبك
ربنا يحفظك

وشي تاني حبيبتي
ما ترضي احد يدوس عكرامتك
اذا راحت كرامتك مش ممكن ترجع
اليوم خانك قدام عينك بكرة ممكن يجرحك بشي تاني
واللي بجرح مرة بجرح الف مرة
فكري منيح
معنها واضحة وضوح الشمس
ما ترجعيلو احسن الك ولحياتك
زعيشي حياتك واستخيري الله وحتوصلي للقرار الصح

ياحبيبتي ولله حرام اسوى فيكي


اصحك ترجعيلو ولله هاذ رب العالمين ديبلغك وشوفك ولله اني ايدكلم نور لئن اليخون مرة يخون مرتين وثلاث


ولله محروق كلبي عليج لئن صديقتي نفس مشكلتك وزوجتة وخانهة وهسة مطلقين

ا صحك ترجعيلو وشوفي امك لئن قلب الام دليلهة :https://encrypted-tbn0.gstatic.com/i...2cQH66w2FFuAXg

class="quote">اقتباس : المشاركة التي أضيفت بواسطة نداء علي:
ياحبيبتي ولله حرام اسوى فيكي


اصحك ترجعيلو ولله هاذ رب العالمين ديبلغك وشوفك ولله اني ايدكلم نور لئن اليخون مرة يخون مرتين وثلاث


ولله محروق كلبي عليج لئن صديقتي نفس مشكلتك وزوجتة وخانهة وهسة مطلقين

ا صحك ترجعيلو وشوفي امك لئن قلب الام دليلهة :https://encrypted-tbn0.gstatic.com/i...2cQH66w2FFuAXg