الكريسبي على اصوله مسابقة طباخة رجيم
مجتمع رجيم / وصفات اللحوم
كتبت :
♥♥..fafy..♥♥
-
السلام عليكم ورحمة الله وبركاته ورمضانكم مبارك يا حلوين
مبارح عملتلكم كريسبي يمي يمي يمي شي ناهي
لكن بما انو كان عندي عزيمة اعذروني ما في الا صورة الطبق النهائية
بس رح اكتبلكم الخطوات خطوة خطوة
نبدأ بسم الله الرحمن الرحيم
المقادير شرحات دجاج -طحين خل -لبن
البهارات للكيلو ملعقة صغيرة من
ملح - بهارات كريسبي ان وجدت زنجبيل مطحون- بودرة ثوم وبصل
فلفل اسود- بهار- كاري- فلفل رش حار وحلو- بهارات عربية
البهارات اللي بتحبي طعمها وانت وذوقك
الطريقة :
اول شي ننقع الشرحات بماء وخل 10 دقائق ونصفيهم
بعدين نقطعهم بشل طولي ما تكون القطع لا سميكة ولا رفيعة
نضيف عليها ملعقة من البهارات المذكورة وملعقتين خل وملعقتين لبن ونخلطهم
بوعاء ثاني نحط كاستين طحين وماء بحيث يكون قوامه متل قوام الكيك لا جامد ولا سائل ونضيفهم فوق الدجاج ونحركهم ونتركهم منقوعين حوالي 3 ساعات
بنحضر كاستين طحين مع ملعقتين نشا وظرف بكمبودر ورشة من البهارات السابقة
بنخلطهم منيح وبنحضر زيت يكون غزير وحامي
وبنشيل القطع من الخلطة ونغمسهم بخلطة الطحين وعالزيت تنقلى
وصحة وعافية
اعذروني دوبي لحقت صور بس جد جربوها كيييير طيبة ورمضانكم مبارك
