اليوم 21/11 ذكرى رحيل ابنتي البكر اسراء
ـــــــــــــــــــــــــــــــــــــــ
ذكرتك
إي بابا ذكرتك
ذكرتك من غفت بيبان البيوت
وبصفنة الليل ونقل الأقدام
وترجيتك حلم بعيوني يفوت
ويحضنك صدري حضنة ضلع محتام
ياذهب اللي مازعّل الياقوت
ويا لمعة اللولو بضحكتك هام
مدري شلون لمك خشب تابوت
ومدري شلون غمض جفنك ونام
بغفله ... ولا ع بالي شي اسم موت
ولا حاسبها أبد بحساب الأيام
بكيتك بكا بدمعة حزن بسكوت
ورثيتك حرف نام بضلع الأقلام
وبسمك أنده بكل عالي الصوت
ويردلي بس صدى يرجفلي الاعظام
حبيبة روحي لو بنتك الي تفوت
أحس لحضتها لحضة موت واعدام
لأن .......
يذكرني ضحكها ونبرة الصوت
وتزيد أشواقي إلك كل ما يمر عام
********* </ul>
</p>
<span id="twitter_btn" style="margin-left: 6px; ">
</div>
