زوجي نمطه شمالي شرقي
طبعا تعبت معاه لما اطلبه طلب او غرض لازم ادور الوقت المناسب واداريه عشان مايزعل او يخلق مشكله وكنت ارتبك وانا اطلبه كأنه مو زوجي
المهم اقولكم بعض المواقف مثلا كنت اطلبه مفرش للسرير كنت اقوله شرايك نشتري مفرش جديد لان اللي عندنا اتغيرت وكان يعصب ع طول ويرفض ويتحجج بعدم وجود المال وكذا وارجع اقول له خلاص النص بالنص ( يعني عليه نصف المبلغ وانا النصف الثاني) ويالله يوافق
الموقف الثاني مثلا كنت ابي مفرش طاولة طعام او طقم صحون اطلبه يقول ماعندي فأقوله خلاص انا بدفع لان خاطري فيها اهم شي اشتريها وكثييير مواقف لحتى صحيت حصلت نفسي اشتري كل شي حتى عطور لي او ملابس
ولما اقوله ابي عطر او ملابس او اي غرض يقول عندك اللي يكفي والمشكله انا اللي شاريتها
هو فقط يلبي لي الاكل والشرب مايقصر فيها
اما غيرها معتمد علي واذا طلبته افتعل مشكله وصياح واتنكد او يقول النص بالنص يعني مثل طلبته فرن كهرب قال تبين تدفعين النص ودفعت نصف المبلغ واشتريناه المهم طولت عليكم بس حبيت اعطيكم نبذه كيف كنت قررت اتغير وهو يلبي لي طلباتي بدون مشاكل
عرفت ان الشمالي الشرقي يحب زوجته واثقه وقويه ووماتتنازل عن طلباتها ومايحب الضعيفه وتتنازل عن احتياجاتها (وانا كنت احزن عليه واقول اساعده واضحي وبيقدرها )
المهم بديتها من شهر ونص صرت اطلبه مثلا عجبني سجاد وخاطري فيه طلبته في البدايه رفض تركته كان ع باله بشتريها بحسابي واطلبه المره الثانيه ومدحتها وقلت حبيبي خاطري فيها وشراها وهو متضايق لما رجعنا البيت شكرته ومدحت في السجاد شوي انبسط وصار كل مامر من عندها مدحها وانها جت بمكان مناسب
ومره ثانيه طلبته طقم اكواب قلت حبيبي اعجبني طقم الاكواب وحطيتها بالسله واشترينها بدون ماتكلم وشكرته وقدمت له فيها كوفي وحركات معاها وانبسط وطبعا نمطهة يحب المدح
والمهم والله خلال هالشهر والنصف لبى لي طلباتي بدون مشاكل وتنكيد مثل قبل
حتى اذكر مره طلبته مكنسه خربت قال النص بالنص طالعت فيه بابتسامه يعني تمزح صح🙂 وطلعت من عنده مارديت
واليوم الثاني حصلته مشتريها
لا مو بس كذا تخيلو اليوم يضمني ويقول احسك صرتي حنونه وهالشهر احس زاد حبك >> انا اطالع كذا 😯 قبل ماكنت اطلبه واتنازل عن اشياء او اشتريها بحسابي او ادور شي رخيص وكان بس يفتعل مشاكل
واللحين طلبته كل اللي خاطري فيه من ملابس عطور وكماليات وماحسبت حساب السعر ويقول زاد حبي وحنونه 😍
مع انه هالشهر والنصف صرف فيها مبالغ علي مو مثل قبل لكن احسه مبسوط واي شي شراه لي يجلس يمدح فيه يعني هالبلوزه والله روعه حيل
والا مفرش طاولة الطعام حلو
والسجاد ماشاء الله وجاء بالمكان المناسب ووو
وطبعا ماقصر امدح فيه بدون مبالغه
وانا كنت قبل اشتري واغير ومالفت انتباهه ولامدح مثل لما يشتريه هو
هذا طبع الشمالي والله يديم المحبه بينا ويصلح ذات بيينا
ان شاء الله استفدتو؟؟
