ايش طبختي اليوم؟

ايش طبختي اليوم؟
سؤال لازم كل ست بيت تسئله لصديقتها،او اختها او جارتها،وانا حابه بهذه الموضوع انه كل وحده تطلع اتحط ايش طبخت ،وتحط الطريقه ،وبهيك ممكن ناخد افكار من بعض وبنرتاح من حيرة ايش بدي اطبخ اليوم،شو رئيكم نبدء؟رح ابدء من عندي:
انا كنت طابخه فول ولبن.
المقادير:
لحم خروف او غنم بعضم
لبن رائب
جميد(كشك)اقراص او سائل
بيضه
حب هيل،اعواد قرنفل،ورق غار،اي نوع بهارات يكون صحيح مش مطحون،كركم
بصله مقطعه بحجم كبير
كيلو فول اخضر منظف ومقطع صغير

الطريقه:
ينظف اللحم ويوضع في طنجرة الضغط ويضاف الماء لحد ما يغطي اللحم،وشيلي القشطه الي بتظهر على الوجه ثم اضيفي البهارات ما عدا الكركم واضيفي البصل واغلقي الطنجره حتى يستوي اللحم،وعلى ما يستوي اللحم نحظر اللبن والجميد ،نحط اللبن بالخلاط الكهربائي ونحط عليه البيضه ونخلطه ثم بنسكبه بطنجره واذا كنتي بتستعملي الجميد السائل بتضيفيه مباشره فوق اللبن اما اذا حتستعملي اقراص فلازم تكوني ناقعتيه بماء قبل الطبخ بساعتين ولازم اتكسريه اول،وبع ما ينتقع بتحطيه بالخلاط وبتخلطيه مع بعض الماء الي نقعتيه فيه وبتصفيه فوق اللبن وبتحطي الطنجره على النار وبتبدئي تحركيه باستمرار يعني ما تبطلي تحريك لحد ما يغلى ما يغلى اللبن وبس يغلي بتشيليه عن النار.
وهسه بنيجي للفول،بتحطي الفول بطنجره مع شوية زيت زيتون،وبتقلبيه لحد ما يتذبل شوي ،بتكون اللحمه استوت بتاخذي شويه من مرق اللحم وبتضيفيها على الفول ما تحطي كثير مرق لانه ما بدك اللبن يكون خفيف وبتخلي الفول يغلى بالمرق لحد ما يستوي وبعدين بتضيفي عليه اللبن وخليه يغلي شوي وضيفي الكركم واللحم واذا حسيتي انه اللبن ثقيل فيكي اتضيفي شوية مرقه من اللحم وبتقدميه مع رز ،وبتجلي الجلي الي تكوم عليكي وصحتين وعافيه

موضوع حلو يختي ويعطيك العافيه فكره ممتازه عن لا تسبب الى الواحد حيره!!!!
اني لسى اليوم ماطبخت وموجاي في بالي طبخه معيه بس اتوقع سمك مشوي يعني الغذاء
بس بكره ادا طبخت طبخه راااح انزلها ليكم