حقك علي ياقلب وابشر بالفدي
حقك على وجهي مثل حق الدخيل
حتى لو ان الضيم يحداني حدي
والله لأ جللك منه ياعبد الجليل
ياغيمة النسيان لوحي وأرعدي
وأروي بهمالك شواهيق النخيل
لا تظلم الحظ وتسميه الردي
لاصار مثل المال في كف البخيل
مابك ثمر حتى لو ان عودك ندي
وش فايدة لينه وغصنه مايميل
لاتحسب اني عقب فرقاك آغدي
انا جريح للجفا ماني قتيل
ماحد يموت من المفارق يابعدي
شفني على قيد الحياه اكبر دليل
حفظ الكرامة مثل حفظي لوالدي
والله هداني عنك لحسن سبيل
وجرحك جميل صان وجه المهتدي
والله يقدرني على رد الجميل
لـ الشاعر سعيد بن مانع .
