رحلتك مع منتدى رجيم (اول المدعوين.......

شكرا على مشاركتك الرائعه مسلمه

امتعتينا باجاباتك

الضحيه التاليه مهد

بانتضارك ياغاليه

اتمنى تكونين فهمتي قصة الرحله والمشاركه ليست مقتصره على المشرفات

يمكنكي بعد الاجابه على الاسئله اختيار اي عضوه لتكون الضحيه من بعدك

بانتضار اجاباتك مهد

شكرا جدا على اختيارك لى
بس والله انا كنت بسال فقط عشان استفسر عن اللى مشفهماه بس
ومش عشان تختارينى واجاوب
مش عارفة ليه حاسة انى مش انا اللى كنت بعد مسلمة
بس فعلا من كل قلبى اشكرك جدا على ذوقك واحساسك الرقيق
صدقتى لما سميتى نفسك الحساسة
احبك فى الله

ومع ذلك هجاوب برده
اشكرك حبيبة قلبى مسلمة على اختيارك لى
اجاباتك كلها تنم عن حبك للمنتدى شكرا

كيف بدأت رحلتك مع المنتدى وكيف وصلت له؟
كتبت مرة كلمة ريجيم فى جوجل وطلعلى مجلة ريجيم وبعدين دخلت للمنتدى وقرأت موضوع عجبنى فكنت عايزة ارد وماكنش ينفع الا لما اسجل فيه.
منتدى { رجيم } ماذا يمثل لك؟؟
منتدى ريجيم يمثل لية عائلتى التانية.
هل تفكر في المنتدى وانت خارجه والي اي درجه,,وبما تفكر؟
مش بفكر فيه وانا خارجة وبس دانا بحلم به ودايما افكر فى اصحابى اللى موجودين فيه وكمان المواضيع اللى ممكن اضيفها لاخواتى عشان يستفيدوا منها
ما أول شي تفعله عند دخولك المنتدى{بشرح لو سمحتي}؟
اول شئ اشوف الصفحة الرئيسية وابص على الموضوعات الجديدة واقراها وبعدين اشوف مين الموجودين ثم اسجل حضور اليوم فى مسابقة الحفظ
وبعدين ادخل على ملفى الشخصى وارد على اخواتى واصحابى اللى شرفوا مواضيعى بمشاركاتهم ولو فى موضوع ممكن اضيفه.
من الثلاثه الذين تبحثين عنهم وانت في المنتدى؟
ابحث عن كل وردة جديدة عشان ارحب بها ,,, كل مسؤلة ومشرفة على المنتدى ,,,ببحث عن موضوع من مواضيعى افاد اى حد وعمل به
من الذي يسعدك عند مروره في موضوع لك ويعلق((يكتب رد)) فيه؟
بفرح بكل عضوة مرت على موضوعى وكتبت رد ماجملتنيش فيه وصارحتنى برأيها الحقيقى
موضوع تمنيت ان تكتبه لكنه موجود باسم عضو آخر؟
موضوع دىدى let's chat in english من عنوانه فهمته وكنت باتمنى هعمله
رساله خاصه ترسلها لشخصـ بدونــ ذكر أسماء
الله يكرمك وينولك مرادك
ما هو الشي الذي يقلقك في المنتدى؟
ان ممكن يبقى فى حد مسجل فى المنتدى باسم بنت وهو ولد او يكون رجل ويكتب موضوع وارد عليه اويشاركنى مواضيعى قلقنى جدا الموضوع ده
اصعب موقف مرة عليك ولا تقدر ان تنساهـ بالمنتدى؟
لما بكتب موضوع واحس ان مفيش حد استفاد منه بيبقى صعب جدا علية
لحظه مرت عليك في المنتدى ولم تنساها إلي اليوم من شدة الفرح او الحزن؟
واحدة عزيزة على جدا فى المنتدى بعتتلى رقم موبايلها على الخاص حسيت بثقة عالية اوى وفرحت بيها موت وبحبها جدا جدا
اي القسم التي ترتاح فيه وتحب ان تكون{تشارك} فيه ؟
بأمانة الاقسام كلها مافيش قسم مابرتاحش فيه وبحب اشارك فى قسم ساحة المرح
واي قسم الذي تبدع فيه؟
القسم الاسلامى ممكن ابدع فيه
هل تريد ان تقول شي قبل ان تغادر؟
اشكر كل عضوة ساهمت بموضوع او كلمة فى ارتقاء هذا المنتدى الذى ليس له نظير فى عالم المنتديات , وشكر خاص للادارة وكل مشرفات مجتمع ريجيم
احبكم فى الله
من هو العضو الذي ترشحه او تورطه بعدك كي يشرفنا في الموضوع ويحكي حكايته؟
يلا ايه رايكم نورط امواج ثائرة
كلنا لها حبيبتى امواج

شكرا مهد على مشاركتك الرقيقه

نورتي موضوعي وتشرفت بمعرفتك