ساعدونى : مش عارفه البس ايه فى كتب كتابى

مبروك وعقبال الفرح ان شاء الله
ربنا يجمع بينكم على خير
والله انا هقولك اللى شفته من صحابى واقربائى
بس لازم تعرفى انه بيختلف حسب المكان
يعنى لو كتب الكتاب فى البيت بيكون اللبس غير المسجد
بس هو عموما يفضل يكون جيبه مش بنطلون
والمكياج يكون خفيف
انا كانت واحده قريبتى لابسه طقم جيبه وجاكيت لونهم كريمى او ابيض
وواحده صحبتى كانت لابسه جيبه بنى كاروهات نازله على واسع
اللى هى كانت موضه السنه اللى فاتت ومن فوق جاكيت بنى فاتح
وبنت عمتى كانت لابسه زى ما تقولى فستان سهرة رقيق جدا لونه بصلى
بس تطريزه قليل جدا وبسيط
واستفادت منه بعد كده انها اصبحت بتخرج بالفستان فى المناسبات
وعندى بنت عمتى لبست جيبه ساده بنى وعليها بدى بيج وعملت الطرحه اسبانى لورا
بس والله انتى ممكن تلبسى اى جيبه وتكون غامقه مثلا وعليها حاجه تليق عليها من فوق
وتطريزها يكون خفيف وبسيط و ينفع بعد كده للخروج بالليل فى اى يوم تانى
وابقى قوليلنا انتى هتلبسى ايه؟؟

حبيبتي البسي لون فاتح لا تلبسي غوامق يكبرك وان شاء الله اكون افتدك

مش قادره اصدق نفسى
ككم رديتوا عليا
بجد ربنا يكرمكم ويرزقكم الجنه

جميل اوى القفطان المغربى ده بس مش عارفه يليق عليا ولالا

دره : :) لالالا متقلقيش ناويه اخس طبعا ان شاءالله
اقولك على حاجه
هوا فعلا اتاجل
اهلى مش موافقين لان خطيبى مسافر ويرجع يكتب ويسافر تانى :( مرديوش مع ان كنا خلاص حنكتب
الحمدلله قدر الله وماشاء فعل
اهى فرصه اخس شهرين زياده :) هههههههههه

سعادتى فى رضا ربى : تحفه الحاجات دى وانا بفكر فى كده برده خصوصا انى استايل لبسى كده جيبات وجاكيتات بيبقى حلو عليا وبيظبطنى موت

احلام ورديه : ممكن البس فاتح يا جميل من فوق ومن تحت درجه اغمق من نفس اللون ولا ايه رايك؟

بجد ميرسى ميرسى انكم كلكم رديتوا عليا
:)

[B]كويس اوى بجد انه إتأجل انا
بقول بقى تشيدى حيلك كويس اوى فى الشهرين دول
وإوعى تبوظى الدايت وياريت تحاولى تنزلى 10 كيلو
يعنى كل شهر 5 متهيألى مش كتير عليكى
والله هتفرق معاكى خالص
يارب بالتوفيق دايما
أأأأأأأأأأأه نسيت أقولك
ألف ألــــــــــــــــــــف مبروك ياقمر
بس إبقى إعزمينا ولو حتى عزومة مراكبية:B]