بطولة قلبي / السالي .!!

السلام عليكم ..
واسعد الله اوقاتكم بكل خير ..</p>.
.

تعبت امثّل الادوار : “بطولة قلبي السالي”
تعبت اغيّر الاطباع : وانا في الاصل ابَعثِرْها
تعبت الشوق والحيرة : تعبت اسهر بغربالي
واجددّ لحظةٍ عيت : تجي تحيِي “مآثِرْها”
وانا لي صورةٍ تبطي : تفارق وضعي وحالي
وتبطي عينْ من شافت : معالمها / تكدّرْها
حنيني شيّ مايقدر : يقاوم .. مُرّها / الحالي
يَ كيف آبَقْدر اقاوم : مشاعر قلب يذكِرْها
مهو بلساني الشاعر : ولا فكري .. ولا بالي
انا كلّي “قصيدة حُبّ” تتبع “قاف” اخِرْها
وهي “معزوفة الأيّام” : على صوتي وموّالي
“ترانيم الهوَى” اسمٍ : يليق بحرف شاعِرْها
مَ بين الرمش والنظرة : تِزين اليوم احوالي
وتضحك كل هالدنيا : بشوفتها ومنظَرْها
شَعَرْها ليلي الهايم : سُواده / شي يختالي
وظنّي في سماواته : “جميع الناس تعمُرْها”
ولا مِن حانت البسمة : تِجلّا ليلي “الخالي”
وأعيش بضيّها لذّةْ : دِفىٓ ارضي ومحوَرْها
وانا يابنت في حُبك : زهدت الجاه والمالي
ابيكِ تِجْمعي مابين : مراسيها وْبواخِرْها
وابيكِ .. تِحيِي الذكرَى : وانا بوصِيِّ عيّالي
إلى مِن مات هالخافق : يحطونه فِ ناظِرْها
“وإلى ذاك الوَعَد” تَبقى : لكِ عيوني بجوالي
على صورَتْكِ مآبكسر : بعيني حِلم “خاطِرْها”
حرام “تخونك” النظرة : مدام الصبر اشوَى لي
مَ اظنّ اليوم تآسعني : ذنوبٍ مِن بيغفِرْها .؟!

.
.

دمتم بكل خير ..


​
بطولة قلبي / السالي .!!