????? ????????? ?!

السلام عليكم ..
تحية ومصافحة متجددة للديوان ..</p>.
.

الله على وقت العتب بين الاحباب ..
والله على شوق التلاقي وضيّه ..
سحايبٍ .. همّالها : كل ما طاب ..
تذرف دموع الشوق والنار حيّه ..
في موعدٍ يحوي مسافات واغراب ..
فيهِ الدقايق : والثواني .. هدية ..
وفيهِ اللقى يفتح على كل الابواب ..
حجم الغيابُ .. وزفرةٍ : شاعريّه ..
اصحابها مَلّوا على وقفة الباب ..
والعمر مايرسم مع الشمس “فَيّة” ..
هنا العتب عن حَرّها : كان جلباب ..
يطوي الرحيل ويسعد النفْس طيّه ..
لاغاب مرسول الهوَى يوم او جاب ..
بعض الحنينُ .. ومَدّت الجاذبيّة ..
كفوفها للغيم ! والشوق ينساب ..
في صاحبٍ للقلب : ماشفت زيّه ..
قلت الهوَى : يامترف الروح صبّاب ..!
في وسط قلبي : دمعته .. سرمديّة ..!!
وهذا ربيع الحُبّ بالصّدر : خلّاب ..
من دمعتك شِف للغلا : كَم مزيّة ؟ ..
لِدّ النظر او خِذْ.. عيني والاهداب ..
وناظر عيونك .. يومِ طَلّت عليّه ..!!

.
.

ودمتم بود ..


​
زفرةٍ “شاعريّة” …!