السلام عليكم ورحمة الله وبركاته
أتمنى من الإدارة أنها تنزل الموضوع بسرعه
بنت خالة امي أكرهه صراحه
من قبل سنة تقربت من امي وصارت علاقتها مع امي قويه
المشكله ياليتها كافه خيرها شرها
امي طبيعتها هادية حبوبة ما تتشره وعلى نيتها
المهم أن بنت خالتها هاذي
تسحب كلام وأخبار وخصوصيات وامي على نيتها كل شيء تقوله لها
وأشياء كثيره
انا ما ابي أطول عليكم
بس الزبدة أنها حاليا سببت مشكله
امي عندها خوات تحبهم ويحبونها ومافي مشاكل ابدا
لكن أمي شوي لها خصوصية يعني اذا سافرو خلاتي مع بعض
ما تروح معهم واذا طلعو بعد مكان أو تجمعو في مول
مو كثير تحب تطلع معهم لانها بيتوتيه وتحب أكثر
تطلع مع ابوي ومعنا وهم يحترمون ها الشيء وما يجبرونها
الزبدة أن هاذي بنت خالة امي
جلست توشي امي أن خواتها ما يعبرونها
وما يهتمون لها وأنهم يتعمدون يسسون كذا والله أعلم
وش تقول لها في الوتساب لأن تقول ل أمي أحذفي الرسايل
وامي لاحضت عليها بدت تكره خواتها
الزبدة أن بكرة ملكة بنت خالتي
وخالتي اتصلت على آمي اليوم عشان تقول لها بس امي كانت نايمه وما ردت
فا رسلت ل أمي وتساب أنها تعزمها وتقول لها حياك الله
انتي والبنات
راحت بنت خالة امي تقول لها أن هي آخر من يعلم وان خواتك
الثانين يدرون من زمان وانتي ما يعبرونك وقالو لك بس كذا
بعدين امي عصبت وأنفجرت وقالت ما راح اروح الملكه
ومنعتنا أن حنا نروح
وقالت إن أنا آخر من يعلم وعصبببت كثيير وقالت إن الكل يدري إلا أنا
وتخيلو بنت خالة امي قالت لها زين تسوين فيهم أي
لا تروحين 😨
انا سالت بنات خالتي قالو انهم ما درو إلا معنا
وان خالتي توها تقول لأنها انشغلت
الزبدة انا ما ابي أحرج بنت خالتي وخالتي بكره ونعفسهم
المشكلة ان بنت خالة امي هي خالة المعرس
واخاف اقول ل خلاتي عن عمايلها
تصير مشاكل كبيره
وتنفك الملكه وتصير خلافات وفتنة
وانا بنت توني واخاف ربي وما ابي اسبب مشاكل
لكن بنت خالة امي زودتها صراحه
طبعا لا تقولون انتي يمكن فاهمه غلط
انا فاهمه كل شيء ومتاكده من كل شيء أقوله
وامي تعبت لي سنه اقول لها اتركي ها الإنسانه
بس امي مو مقتنعه بكلامي
جاتني فكره أخذ رقم بنت خالة امي واشرشحها
على هذا الشيء الي تسويه بس خايفه صراحه
انتو وش نصائحكم
