اختى بلسم الروح
طالما ان البنت لم تتجاوز معك حدود الادب واللياقه والاخلاق او تحاول التطرق الى مناظرات الفرق الدينيه فلا مانع ابدا من التعامل معها هى في الاول والاخر مسلمه فمابالك ان كانت من ديانه اخرى انا جيرانى اقباط وليا زملاء بجد اعتز بهم جدا وقفو جنبي كتير وساعدونى كتير اقباط واتعرفت على دكتوره بالصدفه في القاهره بعد مالناس كلها سددوا الحياه في وجهى وحسيت انى مش هعرف اكمل الرساله بتاعتى هى ساعدتنى ومازالت بتساعدنى بقوه والله وبدون مقابل وهى قبطيه فما بالك بالمسلمه .. لو انتى مش قادره تتواصلى معها خلى علاقتك بيها في حدود العمل بدون اى جرح لمشاعرها لانك كده انتى ممكن تخليها تتعصب اكتر .. فهمتينى ولو قدرتى تتواصلي معاها ماتدخليش في حوارات الاديان ولا المذاهب والطوائف الدينيه لان كلنا حسابنا عند الله وهو الوحيد المتصرف في امور عباده ... وجزاكم الله جميعا كل الخير
والرجاء ان الكلام يابنات يكون بهدوء لان المنتدى هنا لايسمح باى حوارات قد تؤدى الى تعصبات فرقيه او مذهبيه او خلافات بين الاعضاء او اعتقد ان الموضوع قد استوفى حقه من الحديث ..
