مجتمع رجيمتمارين رياضية للحمية و الرشاقة

ملف جميع ....( ( نوادي الرياض ) ).........لبنات الرياض الي يحبون الرياضه وبس

السلام عليكم

هلا وغلا اقلطووو وسمو بالله ....

الموهم يا بنات الرياض الحلوين انا لي فتره ابحث عن نوادي
وطلعت لكم بتقريبا ((22))نادي
حلووو ..اكمل لا احد يقاطع >>صدقت البنت!!

طبعا الي يشوفني ابحث يقول هاذي بتسوي اختراع خخخخخ على هالبحوث ...بس يله طلعت لكم بشي وشويات ...طبعا فيه نوادي قد سمعت فيها وماشفتها وفيه نوادي شايفتها ..وفيه نوادي اول مره اسمع بها خخخخخ

ببدالكم كل النوادي الي لقيتهم وانتم عليكم عاد تقولون لنا اذا فيه زياده..
وتقولون بعد المميزات والسلبيات

يله بسم الله لا يفوتكم بس الترقيم والتسطير اولى ابتدائي هههههههههه...

1-نادي مستوصف الحرمين.شرق الرياض.. رياضه واجهزه وبدون مسبح ..طبعا ماشفته ..

2-نادي مستوصف شدا او شذا ..
((مدري وش سالفة هالنقطه )) المهم هو شرق بعد النادي يعتبر صغير والمدربات سوريات ..بدون مسبح.

3-نادي مستوصف حي السلام.برضو شرق الرياض صاله وحده وماعليها موصغيره ولا كبيره وسط وفيه اجهزه والمدربه هنديه ..وبدون مسبح.


4-نادي مركز الافاق.
((تبع نيوهورايزن)) المدربات يجننووون بس عيبه كان الزحمه الاشتراك 450والفحص ب150
وطبعا بدون مسبح..كان قبل مقابل مركز الامير سلمان الحين نقلو الظاهر للعليا ..بس نضيف ومرتب والمدربات اجانب ومشكلين

6-نادي الامير سلمان

طبعا غني عن التعريف طبعا الي يميزه عن نوادي الرياض فيه مضمارلانه بالاصل نادي اما باقي النوادي هي بالاصل مستشفيات ومستوصفات ..ويعتبر رخيص مقارنه بالنوادي الثانيه وعيبه الزحممممممممه

7-نادي مركز رثويه .النادي ماعليه صغير ومتواضع ..خخخخ...يوجد مسبح ولاكن يجيب الغلقه خخخخ لانه صغير ومكتوم وفيه درج ..وللمعلوميه اصلا هو للعلاج الطبيعي ..وفيه صاله ماعليها بس صغيره ..والمدربه كانت على خبري شرق اسيويه بس مدري من وين بالضبط ..وهو تقريبا شمال الرياض..تراني ما اعرف اوصف زين خخخ

8-نادي مركز التخصصي الطبي .نادي جداااا راقي وماعليه حلووو ..واناس الي فيه من الطبقات الي فوق شوي..هاذا على خبري قبل كم سنه الحين مدري عنه وهو بالدور الاخير اتوقع الدور التاسع .. وفيه مسبح ..انا بالنسبه لي مره حلوو بس بعيد عني مرررره.

9-نادي مستوصف راسان.نادي مره صغير بس حلوو ومايجيب الكأبه وفيه مسبح ومدربته عسل ووحده نفسها شينه ..وفيه تدريب سباحه اطفال اولاد وبنات يعني الي تبي تسبح مع بزارينها حلوو مره ونظيف واهم شي موب زحمه اما الرياضه ماعليها بس عيبها الصاله او الموزع مررررررررره صغير يعني اذا فيه ثلاث ماتقدرين تمشين معه الاشتراك 600رياضه و600سباحه.

10-نادي لاينر.او نادي بدي لاينر وهو موجود بسوق بشرى النسائي شرق الرياض
بالنسبه لي ما اعجبني مع انه نضيف ومرتب ..بس عيبه القزاز شفاف والي بسوق يشوفونك ..وانواع التميلح ..وفيه تدليك صيني وتنضيف بشره.وماعليه حليووو..وعيبه الثاني لازم كل مره تدخلين النادي تمشين مع السوق وطبعا فيه تفتيش في السوق وممنوع جوالات الكميرا يعني بياخذونه منك عند الباب

باقي النوادي ما شفتها بس بذكرها بالاسامي وانتم شدو حيلكم عاد

11-نادي مستشفى المشاري.

12-نادي مستشفى الحمادي.

13-نادي مركز اوباجي.

14-نادي النخبه.

15-نادي الملتقى .

16-نادي رياض الهجن.

17-نادي ريم الحجاز.

18-نادي عيادة بسمة الؤلؤ.

19-نادي مركز مناير الطبي.

20-نادي نيو لوك.

21-نادي يبرين.

22-نادي لومنيغ سنتر.


وبس الحين عاد الدور عليكم كملووو انتم وعطونا معلومات باقيه
واذا تعرفون نادي شرق الرياض وفيه مسبح علموني

وسلامتكم ..وصبح صبح....

الموضوع منقل للامانه والله يجزا صاحبته الجنه يارب
وان شاء الله تستفيدووون مثل ماانا استفدت
انا عن نفسي
دخلت تقريبا 4 شهور في نادي مستوصف حي السلام وبصراحه مستواه مو مره بس نحفت عليه حوالي 8 كيلو وبوقتها كانت المدربه مصريه والحين زي ماقالت الاخت مدربه هنديه وماكنت منتظمه عليه


وان شاء الله بعد العيد راح ادخل مركز نيو لوك على طريق الملك عبدالله في نفس عمارة شهد الروضه للحلويات
وانا دخلته بصراااحه ماشاء الله يجنن ومرررررررره كشخه ويفتح النفس


يالله بنات قولولي عن تجاربكم في النوادي عشان نستفيييد
فيه نادي الخزان تابع لمستوصف الخزان نظيف ومرتب وأجهزته حلوةمدربته فلبينيةواخصائية تغذية مصرية اشتراكه الشهري 500ريال مع المسبح و300دون مسبح فيه حمام بخاربدون ساونا وفيه مسبح صغيرلكن زحمةوبعيييييدعني لذلك للأسف سجلت وماقدرت ألتزم بلدوام عليه فتركته.
وبلرغم من وجود الأجهزة الرياضية عندي بلبيت لكن الإلتزام مع نادي يشجع أكثرويخليكي ملتزمة بلرياضةاكثر.(أيروبيك..أجهزة ومسبح)تقريباساعتين متواصلات دون تعب.
وانشالله بحاول أرجع اسجل بنادي يكون مناسب.
تشكري عهلموضوع المفيد.
جزاكى الله خيرا
شكرا عصماء على المعلومه الحلوه

شكرا مشجعه

منورين حبيبااتي
انا اختك حور الجنة من مصر وعااااااااااااااااااااااااشقة للسعودية واهلها بجد دى احسن بلد فى الدنيا بحبها لدرجة الجنون
اتمنى منك ان تزورى صفحة الارز بالخلطة بتاعتى علشان فيها رساله هامة لاخواتى السعوديات حبابيبى
1 2  3  4  5  ... الأخيرة
كلمات ذات علاقة
ملف لجميع النوادي النسائيه في الرياض