ساعدونى جعلة الله فى ميزان حسناتكم

السلام عليكم ورحمة الله وبركاتة

اخواتى العزيزات انا عضوة جديدة معكم وارجو ان تساعدونى فى حل مشكلتى مع زوجى جعلة الله فى ميزان حسناتكم


بس استحملونى شوية لان مشكلتى طويلة

وارجو كل من تقرا مشكلتى ان تدعو لى ولاولادى


ففى البداية انا متزوجة منذ 4 سنوات وزوجى يعمل فى بلد اخرى وانا اجلس عند والدتى

وقد تمت خطبتى لزوجى عقب اتنهائى من تعليمى الجامعى ووافقت على زوجى بالرغم من وجود اختلافات كثيرة جدا بيننا من حيث الوسط الاجتماعى والثقافى والمادى فانا اعلى منة فى كل شئ

ولكنى لم انظر الى كل ذلك ووافقت لانة من رواد المساجد ولة اخوات منتقبات ومتدين

ولكنى اكتشفت ان هذا فى زمننا لايجدى

دامت خطبتنا لمدة عام ونصف وعاد ليتمم الزواج ولكنى فوجئت بعد الزواج انة لايحبنى واحسست انة تزوجنى فقط ليرضى امة لانها هى التى حدثتة عنى ليتزوجنى وقضينا مع بعض شهر فى منزلنا ولكن هل تصدقوننى انى كنت اجلس بمفردى كل هذا الشهر هو دائم الخروج من المنزل

وفى بعض الاوقات يذهب بى الى امة او امى كى اجلس معهم ويخرج هو مع اصدقائة ويعود فى الليل لياخذنى


بيننا صمت دائم ورهيب وجميع محاولاتى معة بائت بالفشل من هزار ولعب وضحك وكلام حلو وكلام غزل لاشئ يجدى معة حتى مجرد الكلام الطيب لااسمعة منة حتى العلاقة الخاصة بيننا تتم باسلوب همجى وفى صمت رهيب وصلت انى بدات اكرهها بسبب اسلوبة معايا وهذة المشكلة مازالت موجودة بيننا

وسافر زوجى وتركنى وكنت قد حملت فى ابنتى وبدات المشاكل مع امة

فانا اجلس عند امى والمسافة من بيت امى الى بيت امة كبيرة جدا وكنت مريضة بسبب حملى ولكن الحمد لله تغلبت على مشاكلى معهم

المهم انجبت ابنى الثانى ومازال هناك فجوة كبيرة جدا بينى وبين زوجى فانا اخاف منة جدا ولانتحدث فى اى شئ ولا استطيع ان اطلب منة اى شئ فهو دائم الشجار معى حتى لو بدات فى الضحك معاة او الهزار يقلبة بجد وتبقى خناقة

المهم انة كان بيبعتلى فلوس قليلة جدا جدا لاتكفينى ولاتكفى اولادى وامى وابى كانو يقومون بالانفاق علينا وفوجئت انة بيتشاجر معى انى مش بدخر حاجة من الفلوس الى بيبعتهالى وهى اصلا مش مكفية حاجة

وبدا يسالنى عن ميراثى من ابى على الرغم ان والدى على قيد الحياة وذهبى بكام ولو قلتلكم انة لما بيرجع من السفر مش بيجبلى حاجة ولو جبلى بيجبلى زى مماتة واخواتة مفيش فرق

انا عارفة ان مفيش حد هيصدقنى

بس ربنا شاهد على الى بقولة

المهم لما فاض بيا الكيل منة اشتكيتة لمامتة لانى طلبت منة انة يزودلى الفلوس ورفض وحكتلها كل حاجة وان ابى وامى هما الى بيصرفو علينا وانة مش راضى يبعتلى حاجة

انا حكتلها لانها ستر وغطى علينا بس للاسف الله اعلم هى قالتلة اية المهم انة رجع من السفر بعد مكلمتها لية بيوم واحد وبات عندها يوم رجعة واخواتة البنات قامو بالواجب وشحنوة ضدى

وتانى يوم اخدنى من بيت امى وروحنا البيت وفوجئت بسيل من الشتائم عمرى مسمعتها والفاظ غريبة واسلوب همجى وصل للضرب بالحزام واهنات وحاجات عمرى مشوفتها ولا سمعتها وكنت اول مرة فى حياتى اضرب او اتشتم او اتهان

وجمع اهلى وكانو عاوزين يطلقونى منة بس انا رفضت عشان اولادى ورفضت انزل معاهم

وهو طبعا طلعنى كدابة وانى برمى بلاية علية وان كل الى قلتة لمامتة كدب

والله العظيم ربنا شاهد عليا انى مكدبتش عليها فى حاجة ولاعليكم فى حاجة

وتراضينا انا وهو وبعد 4 شهور عمل عملية دعامة فى القلب ووالدتة واخواتة اقنعوة انى انا السبب فى العملية دة بسبب المشكلة الى حصلت وانها ترسبات حزن وصدمة حصلتلة منى

ومن بعد العملية زوجى تغير 360 درجة اصبح يكرهنى بشدة واشعر بانة لايريد حتى سماع صوتى لانة معتقد انى انا السبب فى العملية دة
وانى قلت علية حاجات محصلتش وعلى فكرة انا زوجى شديد النسيان ولا يتذكر اى شئ

فكل الى قلتة لمامتة بالنسبة لية محصلش وانا كدابة

ربنا يسمحها هى وبنتها كرهو زوجى فيا

وانا عارفة انى غلطت انى دخلتها بينى وبين زوجى بس كنت فكراها هتبقى مع الحق لانى اتخدعت بمظر الدين

وزوجى منذ ان اجرى هذة العملية بينام لوحدة حتى حقى الشرعى لايقوم بية ولو حاولت ان استعطفة او اطلب منة حقى يكون جزائى الزعيق والاشمئزاز فانا اشعر بكرهة لى لان اى واحد بتحس بزوجها

الله يسمحة ويسامح اهلة

وقبل عيد الاضحى باسبوع كنت بنقل اثاث المنزل الى منزل جديد
وعادت امة من جديد بعد هدنة لاتتجاوز 3 شهور لتعلن الحرب مرة اخرى

مفتاح شقتى مع والد زوجى وكان فى شقتى القديمة يعطى المفتاح لاخو زوجى حتى يذهب فى الفجر بحجةالمذاكرة هناك بدون علمى او علم زوجى واحيانا كنت اذهب للمبيت هناك ولكن الحمد لله لم يذهب وانا هناك ولم اخبر زوجى بذهابة هناك ووجدت اخوة الاخر ياخذ المفتاح ويذهب حتى يتفرج على الاثاث وكنت اضع ملابس خاصة بى فى غرفة نومى وراها اخو زوجى ولم اخبر زوجى ايضا

ووالدة ووالدتة يفعلون ذلك حتى يخبرونى انها شقتهم وان ليس لى اى راى او صفة او كلمة فى البيت

وبدات ام زوجى فى حربها بدات تكسر كلامى امام اولادى عندما اقول لهم شئ تجعلهم يفعلو العكس وتامر وتنهى فى بيتى وزوجى لايعترض او يحتج على شئ لدرجة انة بيبعتلى الفلوس عندها واروح اخدها منها وكانت بتتفنن فى ازلالى وانا باخذ منها الفلوس ولكنى صبرت لانى احب زوجى

وقمت بنقل الاثاث للمنزل الجديد فوجدت والد زوجى قد اعطى المفتاح للسباك وذهب بمفردة ودخل الغرفة الى فيها حاجتى وطلع السخان وركبة

وذهبت للشقة ففوجئت بالسخان راكب فاتصلت بزوجى وسالتة فوجدتة لايعلم شئ وقد كنت انوى المبيت فى الشقة يوم ماذهب السباك ولكنى ذهبت الى بيت امى لان الشقة كانت برد قوى على الاولاد

واعترضت مع زوجى على دخول السباك بمفردة وانة دخل غرقتى بدون علمى او علمة وانة دة حرام وانى سكت على دخول اخواتة الشقة الاقى السباك كمان بيدخل وان دة مش بيت وان البيت لة حرمة لازم تتصان


وقفل الخط واتصل بوالدتة واتصل بيا بعد كدة

فوالدتة حولت الموضوع من ان السباك دخل الشقة الى ايةةةةةةةةةةةةةةةةةة؟



انى مش عوزاهم يدخلو البيت عندى وان البيت دة بيتى وهتحكم فيهم


وزوجى وافقها على كلامها وقالى ان دة بيتى وانا عاملة بفلوسى وملكيش فية حاجة وروحى لمى حاجتك من البيت وقبل ماتروحى الشقة تتصلى وتستازنى عشان لو فى حد هناك وملكيش كلمة ولاصفة وهوريكى ايام سوداء ومفيش حد من اهلى هيستاذن قبل ما يدخل البيت انتى الى هتستاذنى واياكى تروحى قبل متستاذنى


كل دة مش مشكلة المشكلة انة منع عنى الفلوس وطلبت منة فلوس ورفض يبعتلى ودة مش اول مرة يعملها هتصدقونى لو قلتلكم ان امى هى الى جابت لبس العيد لاولادى وهو ولا سال حتى انة متصلش قلهم كل سنة وانتم طيبين وعارف انى مش معايا فلوس ومبعتليش

انا عارفة انة كارهنى وحسبى الله ونعم الوكيل فى امة واخواتة هما السبب

انا تعبت منة كل حاجة يقلوهالو يصدقها ويعملها بدون تفكير
انا بصراحة قررت انى مش هروح معاة لما يرجع ومش هاخد فلوس منة تانى لو بعتها عند والدتة لانى عوزاة يبعتلى عن طريق البنك ولازم اشوفلى حل معاة

انا تعبت منة احنا مختلفين فى كل حاجة فى الطباع والاخلاق وطريقة الكلام والاسلوب مختلفين فى كل حاجة

وفارض اهلة عليا مش مخلينى ليا كلمة ولا صفة حتى مع اولادى دايما يحقرن ا تنى مين انتى؟انتى اية انت ؟انتى ولا حاجة!

دايما يقولى انت تسمعى وبس زيك زى اى كرسى او طربيزو ملكيش كلمة خالص

انا زهقت من الاسلوب حتى كلامة مش متحضر خالص همجى فى كل حاجة مش بعرف اتكلم معاة
ولا بنتناقش خالص فى اى حاجة

وبقرف من اهلة جدا من بيتهم ومن اكلهم مش بستعمل عندهم اى حاجة مش متصورين حالتى يتبقى عاملة ازاى وانا عندهم
وهو فارض عليا نروح من الصبح لبليل وفى ايام كنا بنبات هناك والله كنت ببات طول الليل صاحية من القرف الى انا فية

بيئة غير بيئتى خالص ومستوى غير مستوانا خالص

وبعد ما عمل العملية فرض عليا اذهب عند مامتة وجلسنا عندها اسبوع شوفت كل الوان العذاب شغل وخدمة وانا مش واخدة على كدة والدتة كانت بتتفنن تشغلنى فى اية على الرغم ان بنتها قاعدين ولما اصريت انى اروح كانت خناقة وقالتلة انى مشيت بسبب الخدمة

على فكرة انا منتقبة ولية اخ لسة مش متزوج كان جالس معانا طوا الاسبوع دة يعنى انا لابسة ملابسى كاملة لمدة اسبوع متخيلين قمة التعذيب وزوجى مبسوط جدا انة قاعد مع والدتة ولا بيفكر فيا لمدة لحظة واحدة


انا فعلا تعبت وقررت انى انفصل عنة

بس ساعدونى الله يكرمكم قولولى اعمل اية معاة

جعلة الله فى ميزان حسناتكم


عارفة انى طولت عليكم بس اعزورونى

حبيبتي أنا متفاجأة لأنك لسى معاه يعني واحد مثل زوجك لابينكم عشرة حلوة ولا هو مسأول عنك وعن أولادك مادياً

أنتي ليش مكملة معاة ؟ " علشان أولادك " !

وأيش عامل لأولاك هو علشان جالسة معة ؟؟

أنا برايي روحي بيت أهلك تراة أنسان من كلامك مايتعاشر ولاتنهاني أكثر من كذا

ربي يسهل أمرك ويوفقك ويحفظ لك أولادك

(( على فكرا أنتي عندك سلاح قوي وهو شهادتك وهذا الشي بإذن الله ماحيخليكي محتاحة لحد
- والله يخلي لك أهلك - ))

وانا بسراحه مستغربه من صبرك عليه هاد انسان مريض وملوش شخصيه قدام اهله وهم ناس ظالمين وقلوبهم ميته انتي صبرتي بما فيه الكفايه واكتر من هيك بتكوني بتقتلي بنفسك وتربية اولادك بهيك جو ر ح يأذيهم فكري صح ووكلي أمرك لله

حبيبتي اصبري شوية وربنا يعينك علي اللي انتي فيه بس بالصبر اكيد ان شاءالله هتغير للاحسن ولا تتعجلي بالانفصال لانه مش الحل وحاولي تقربيه ليكي بقدر الامكان ولازم تمحي فكرة المستوي المادي والتعليمي لانك وافقتي من الاول ولازم تتحملي علشان الاولاد واكيد ازمة وهتعدي انشاء الله بس ممكن تبعدي عنه شويه في بيت اهلك وهو اكيد هيشتقلك ويشتاق للاولاد وهيدور عليكم ويجليكم لحد عندكم استهدي بالله وربنا يعينك ويصبرك ويفك كربك

أختي الحبيبة/

إذا ساءت العشرة وباتت في نظرك مستحيلة فأنتبهي لما أقول :
>

> 1- إياك و التفكير بالطلاق كحل سحري لمشكلتك فتكوني كالمستجير من الرمضاء بالنار ..
اتركيه كحل أخييييييييييييييييييييير .
>
>
> 2- سددي خاناتك .. بأداء واجباتك نحو بيتك واسرتك من نظافة وإعتناء بالأولاد والبيت .
>
>
> 3- كوني عضو متفاعل في محيط اسرتك اتركي بصمتك على تربية ابنائك تربية صالحة ..
>
> كوني السباقة في فعل الخيرات في محيط عائلتك وعائلة زوجك
>
> لكسب حب ومودة الجميع و ثقي بأنهم سيقفون في صفّك إذا حدث خلاف بينكما .
>
>
> 4- اهتمي بمظهرك الخارجي ولياقتك وأناقتك وكوني ذوق في تصرفاتك مع الآخرين
( اناقة المخبر والمظهر ) .
>
>
> 5- عززي ثقتك بنفسك ( احبيها واحترميها )

عندما تريدين إتخاذ قرار وتخشين نتائجة.

اسألي نفسك عن رضى الله عن هذا العمل وهل نفسك سعيدة بأدائه
>
>قبل سؤال نفسك الكلمة المعهودة

> إيش يقولون الناس ؟
>
>
6- قوي إرادتك بتغيير حالك للأفضل وعدم تقبل واقعك المرير
>
>
> 7- إذا لم ينفع اسلوب اللين والطاعة مع زوجك المفتري ,,
>
> استخدمي اسلوب العين الحمرة في التعامل معه ..

( أطيعي امره فيما يرضي الله.
>
> ( بلوية بوز ) حلوة هالكلمة , عدم إعطاءه وجه
>
> والحديث معه في أضيق الحدود , التأفف من اسلوبه في مناداتك
>
> وخسرانه خسراناً مبيناً إذا ناداك بلقب او اسم لا تحبينه .
>
> 8- إستخدامي الحرب النفسية معه

( حسسيه بقدرتك الإستغناء عنه وعدم حاجتك له بل هو من يحتاجك ) يعني مجرد كلام

>
> بيني وبينك فظل راجل ولا ظل حيطة ( مالت عليه من راجل) !!
>
> 9- اعلمي ان مشكلتك قد تكون اخف من مشكلة غيرك
>
> فوالله من سمع مشاكل غيره هانت عليه مشكلته وشكر ربه
>
> وتذكري مادام الله عزّ وجلّ منّ عليك وعلى عيالك بنعمة العقل
>
> والصحة فكل شئ بعد ذلك .. يهون .
>
> 10- إياك حلّ مشكلتك بمشكلة أكبر وترك اولادك يذوقون
>
> أهوال إنفصال والديهم او العيش مع زوجة أب قاسية فهم أمانة في عنقك
>
> ( كلكم راع وكلكم مسؤول عن رعيته ) .
>
> 11- تقوى الله وعدم الوقوع في الحرام كوني مع الله يكن معك
>
> ( ومن يتق الله يجعل له مخرجاً * ويرزقه من حيث لا يحتسب )سورة الطلاق آية (3,2) .
>
>
> 12- الدعاء .. الدعاء ..
( وإذا سئلك عبادي عني فأنّي قريب أجيب دعوة اداع إذا دعان)
>
> سورة البقرة آية ( 186) ادعي الله وألحي في الدعاء
>
> وأيقني بالإجابة فالدعاء مفتاح من مفاتيح الفرج .
>
> 13- القناعة والرضى بما قسمه الله لك وإياك والسخط !! فالله
>
> قد يعطي وهو يمنع , ويمنع وهو يعطي !!
وقد تأتي العطايا على ظهور البلايا !
>
> ( وعسى ان تكرهوا شيئاً وهو خيراً لكم * وعسى أن تحبوا شيئاً وهو شرا لكم ) .
>
>
> والسلام ختام .. وفقنا الله وإياكم لصالح الأعمال والأقوال انه سميع الدعاء
>
أختك / بحر الجود

align="right">تسلمي بحر الجود علي الطرح المتميز

فانت مبدعة ورائعة تسلم الايادي