محتاجه حل

السلام عليكم
ماني عارفه من فين ابدا
انا متزوجه ليا 7 سنين وعندي طفلتين
اعاني من ضغوطات نفسيه من زوجي بسبب عصبيتو الزايده مايحب اني اتناقش معاه في اشياء ماكون مقتنعه فيها لازم اتكلم معاه يقولي انتي تسوي كده وبس ولانتشاكل احس انو مايحبني جلستو معايا ماتعجبو اقل شي نتضارب عليها من الناحيه العاطفيه كنت بالاول مو راضيه عنها لانو مايمارس الجنس كتيير بس ولفت غصبا عني عشان بناتي يبغاني كل شي اقول حاضر طيب هو يعترف لي ان يحبني بس الكلام شي والفعل شي تاني بعض الاحيان لمن يعتزر لي يبكيلي احس انو مريض
نفسي اعيش باستقرار بهدوء
ماني عارفه ايش اعمل ياه
ياريت تعطيني الحل

اختي الغاليه اعتقد والله اعلم تصرفات زوجك نتيجه رواسب عنده من ايام الطفوله يعني عاش طفوله حزينه عشان كده يفرغ رجولته عليكي حاولي تخليه يحكي لك ايام الطفوله كيف عاشها وكيف كان تعامل اهله معاه قوليله حكيني عنك وانت صغير ومدام تقولي انه يبكي هذا دليل انه عنده عاطفه بس ما يعرف يستخدمها حاولي معاه بالكلام الحلو الرومنسي وامتصي غضبه وقولي له على امرك كل اوامرك مجابه وهذا يبغاله صبر وطوله بال منك يااااااااااااعسل الله يوفقك اختي الغاليه ترى معظم الرجال ما يعبرو عن الحب بالكلام بل بالفعل مثلا اذا طلعك معاه مشوار يعني احبك واذا جاب المقاضي يعني احبك وهكذا انت بادري باعطائه الهدايا او كلمات حب في ورقه او رسائل غراميه عن طريق الجوال حاولي ولا تياسي لانه يبغاله صبر وممكن سنوات لكن كل هذا بيدك علميه الحب والرومنسيه وانتبهي و احذري من سرعه الغضب حاولي السكوت اذا كان معصب وقولي له اذا هديت سنتناقش بالموضوع احرجيه بهدوئك وابتسامتك الرائعه الله يعين المتزوجات وشكرا

يوووووووووووووووووووووو طولت بالي كتييييييييييييير مليت والله ابغ نصيحه تانيه غير شكل
ويسلمو مرورك