تفنن فى استخدام الجليتر

المقدمة درسنا اليوم بعد عن الجليتر ،، لكن ها المرة مو مجرد تعبئة نص مثل ما سوينا في درس الجليتر من الألف إلى الياء ،، في ها الدرس بنتفنن في استخدام...

مجتمع رجيم / منتدى التصميم والفوتوشوب
سعادتى فى رضا ربى
اخر تحديث
تفنن فى استخدام الجليتر

المقدمة

درسنا اليوم بعد عن الجليتر ،، لكن ها المرة مو مجرد تعبئة نص مثل ما سوينا في درس الجليتر من الألف إلى الياء ،، في ها الدرس بنتفنن في استخدام الجليتر بشكل احترافي ،، والطريقة سهله ،، بس حاولوا انكم تلتزمون بالخطوات وان شاء الله بتوصلون للنتيجة المطلوبه ،،


الأمثلة
وهذه بعض الأمثلة على الدرس:

استخدام dT-glitter1-1.gif استخدام dT-glitter3.gif استخدام dT-glitter5.gif

كثرت من الأمثلة لأن الدرس وايد ممتع استخدام biggrininvert.gif


ادوات الدرس
أهم شي في الأدوات هو الجليتر ،،


هذي بعض الصور اللي جمعتها من النت ،، ممكن انكم تطبقون الجليتر عليها

استخدام dT-glitter6.gif استخدام dT-glitter7.gif استخدام dT-glitter8.gif

استخدام dT-glitter9.gif استخدام dT-glitter10.gif استخدام dT-glitter11.gif

استخدام dT-glitter12.gif استخدام dT-glitter13.gif استخدام dT-glitter14.gif

استخدام dT-glitter15.gif استخدام dT-glitter16.gif استخدام dT-glitter17.gif


تجهيز الادوات

في البداية لازم تختارون صورة البنت او الشكل اللي بنطبق عليه الجليتر ،، واتحددون شو اللون اللي بتبدلونه بالجليتر ،، ويفضل انكم تختارون جليتر مقارب للون الاصلي ،، عشان تطلع الصورة متناسقة ،،

الصورة اللي بشتغل عليها هي هذي:

استخدام dT-glitter10.gif

في ها الدرس كل تعاملنا بيكون ويا الصور اللي بصيغة gif ،، عشان جي لما نشتغل على هاي الصور في الفوتوشوب لازم انطبق الخطوة الاساسية وهي تغيير مود Mode الصوة:

شوفوا الخطوات:
1- خزنت صورة البنت اللي بشتغل عليها عن طريق نقرة على اليمين على الصورة واخترت Save Picture As
2- فتحت الصورة في الفوتوشوب (لاحظوا في بوكس الليرات عليها قفل)


استخدام dT-glitter18.gif

ملاحظة: اللي مو ظاهر عنده بوكس الليرات يروح على Window ويتأكد من وضع إشارة صح على كلمة Layers

نكمل:

3- رحت للقائمة الرئيسية عند Image >> Mode >> RGB Color
يعني انغير الـ Mode من Indexed Color إلى RGB Color

شوفوا الصورة التوضيحيه قبل و بعد >>
استخدام Imode.gif

الحين خلوا البنت على صوب ،، وبنشتغل على الجليتر ،،

اختاروا الجليتر اللي يتناسب مع اللون الاصلي ،، او اي جليتر لو حابين تغيرون في الشكل ،،

ومثل ما اتشوفون فستان البنية ازرق فاتح ،، فاخترت ها الجليتر

استخدام dT-glitter10.gif = استخدام 1.gif استخدام 2.gif استخدام 3.gif

الحين بنغير مود الجليتر ،، كل صورة روحها ،،

تابعوا الخطوات:
1- اخترنا الجليتر المناسب
2- فتحنا صور الجليتر في الفوتوشوب (وهني عندي 3 صور)
3- اغير مود Mode الصورة الاولى بنفس الطريقة اللي سويناها قبل شوي ،،
Image >> Mode >> RGB Color
4- اروح للقائمة الرئيسية ،، ها المرة عند >>
Edit >> Define Pattern

شوفوا الصورة:
استخدام EditDPattern.gif

5- بيظهر بوكس ثاني عشان نختار الاسم ،، اضغطوا Ok على طول ،،
6- بعد ما نخلص من هاي الخطوات نغلق الجليتر الاول ،، ونكرر نفس العملية مع الجليتر الثاني والثالث ،،

ان شاء الله طبقتوا الخطوات السابقه بسهوله ،، لانها اساسية ،، وما نقدر نكمل من غيرها ،،

الادوات جهزت ،، نبتدي الشغل:

خطوات التنفيذ
نرد للبنت مرة ثانية ،، ان شاء الله بس ما طولنا عليها ،، نبغي انجهز فستانها بسرعه عشان هي مستعيله بتسير عرس ربيعتها
استخدام 3ros.gif

استخدام grin_anim.gif استخدام grin_anim.gif استخدام grin_anim.gif

باستخدام اداة التحديد Magic Wand Tool استخدام 39as7ryah.gif الموجوده في قائمة الادوات على يسار الشاشة ،، نحدد المناطق اللي نبغي نعبئها بالجليتر ،،

ولتسهيل هاي العملية ،، لازم انغير شوي في خصائص الاداة:

لاحظوا معاي ،، بمجرد ما نطغط عليها بيظهر لنا فوق شريط الخصائص الخاصة بالاداة ،،

استخدام 39as7ryahD.gif
شفتوا الاماكن اللي عليها دواير حمر ،، ابتدوا من اليسار ،، بنختار منها الصورة الثانية من اليسار ،، يعني المربعين اللي داخلين في بعض ،، لاننا بنحتاج لتكرار عملية التحديد لاكثر من مرة لين ما ناخذ كل المساحة اللونية اللي حابين انغيرها للجليتر ،،

اما الدايرة الحمرة الثانية ،، فهي على كلمة Tolerance وحذالها رقم ،، ها الرقم يحدد لنا الدرجات اللونية اللي بتحددها الاداة ،، يعني انا هني اخترت رقم 20 ،، معناته ان الاداة بتاخذ كل 20 % من اللون الازرق مع كل ضربه ،، وممكن انكم تزيدون و تنقصون في الرقم على حسب الحاجة ،،

مثلاً لو اخترتو الرقم 20 ولاحظتوا ان التحديد سار على اماكن انتوا ما تبون اتغيرون لونها ،، اضغطوا على زر التراجع Edit >> Undo وقللوا من النسبة في الشريط ،، مثلاً خذوا 10% وتابعوا شغلكم ،، ــ هذا للتوضيح ــ

الحين روحوا لفستان البنية وحددوا المناطق اللي تبونها حسب الشرح السابق ،،

لاحظوا تطبيقي اثناء التحديد:
استخدام dT-glitter20.gif

وبعد الانتهاء من التحديد:
استخدام dT-glitter21.gif

عقب ما انتهينا من هاي الخطوة ،، نروح لـ قائمة Edit مرة ثانية ،، بس ها المرة بنختار Fill

يعني ،، Edit >> Fill
استخدام EditFill.gif

بيظهر لنا بوكس عشان نختار الجليتر ،، طبعاً اظغطوا على المربع الصغير اللي في البوكس وبتظهرلكم قائمة الباترن،، ومنها نختار الجليتر اللي عرفناه للبرنامج أثناء تجهيز الأدوات ،، غالبا بتحصلونها في نهاية القائمة ،،

اختاروا الجليتر الاول من اليسار:
استخدام dT-glitter22.gif

شوفوا التغيير اللي حصل على الفستان:
استخدام dT-glitter23.gif

مثل ما لاحظتوا في الصورة السابقة ،، ان التحديد ــ الخط المنقط ــ مازال في مكانه ،، لا تشلونه الحين بنحتاجة ،،

الحين روحوا لبوكس الليرات ،،

نقرة على اليمين على اللير الموجود بتظهر قائمة صغيرة اختاروا Duplicate Layer
استخدام dT-glitter24.gif
استخدام goldS.gif

نكرر نفس العمليه السابقه مع اللير اليديد ،،
يعني نروح لـ Edit >> Fill

بس ها المرة نختار الجليتر الثاني ،،
شوفوا الصورة

استخدام dT-glitter25.gif

ومرة ثانية ،، والتحديد بعده موجود ،، نقرة على اليمين على اللير اليديد اللي ظهرناه قبل شوي و Duplicate Layer

ونروح لـ Edit >> Fill

ونختار الجليتر الثالث
استخدام dT-glitter26.gif

خلصنا من الفوتوشوب ــ نروح للإمج ردي


ومثل ما اقول دايما:

طرق الانتقال للامج ردي هي:
الطريقة الاولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الضغط على الرمز الموجود اسفل قائمة الادوات مثل ما هو موضح في الصورة
استخدام imageready.gif

الحين وفي الامج ردي ،، بتلاحظون شريط موجود تحت ــ شريط الانيميشن ــ فيه الصورة اللي نشتغل عليها ،، هاي الصورة هي عبارة عن لير واحد ،، واحنا هناك اشتغلنا على ثلاث ليرات ،، لازم انظهر باقي الليرات ،

بس قبل ما ندخل في تفاصيل هذه الخطوة ،، اللي مو ظاهرعنده شريط الأنيميشن Animation يروح على Window ويتأكد من وضع إشارة صح على كلمة Animation
مثل ما هو موضح في الصورة
استخدام WAnimation.gif

الحين نكمل:

على يمين الشريط فوق بتلاحظون شي سهم صغير اضغطوا عليه بتظهر لكم قائمة طويلة اختاروا منها Make Frames From Layers
استخدام dT-glitter27.gif


لاحظوا ان كل الليرات او الطبقات اللي اشتغلنا عليها ظهرت
استخدام dT-glitter28.gif

اذا حابين تشوفون لمعة الجليتر قبل ما تخزنون الصورة ،، اضغطوا على رمز التشغيل الموجود اسفل شريط الانيميشن ،،

الحين ،، وصلنا لفقرة تخزين الصورة ،،

واحنا في الامج ردي ،، نروح لقائمة File ونختار Save Optimized As

استخدام FileSaveOptimized.gi

نخزن الملف عادي


بجي ،، نكون خلصنا الدرس ،، شوفوا النتيجة النهائية ،،

قبل

استخدام dT-glitter10.gif
بعد
استخدام dT-glitter3.gif




منقوووووووووووووووووووووول
بحر الجود
موضوع رائع جدا
كالعادة لا تأتينا إلا بكل مميز
تسلم الأيادي على الطرح المفيد
ننتظر جديدك
~ تحياتي..~
سعادتى فى رضا ربى
شكرا بحر الجود لردك الغالى
نورتى موضوعى
كنت كربوووجة .. !!
موضوع شيق ... تشكرين عليه

بس للاسف

ما عرفت اطبقهااااا لكن اتمنىىىىىىىىىىى <<عاشقة الجليتر


مدري لازم يكون عندي برنامج معين والاااا ايش .. ؟؟؟؟
سعادتى فى رضا ربى
شكرا كنت كربوجه لردك الغالى
اكيد لازم يكون عندك برنامج الفوتوشوب شرائح الجليتر
mai mansy
تسلمي يارب الحمد لله تعلمت حاجة جديدة
شكرا لكي وبارك الله فيكي


التطبيق


الصفحات 1 2  3 

التالي

سكرابز من غير تحميل

السابق

اصدق عاطفه في الكون ♥♥ ..

كلمات ذات علاقة
الجليتر , استخدام , تفنن