أوراق من مذكراتي ....رحلتي إلى ماليزيا الساحرة ...مواقف ..وطرائف ..وفوائد..

مجتمع رجيم / هذة رحلتى .. لا للمنقول

كتبت : شمعة لاتنطفئ

class="quote">اقتباس : المشاركة التي أضيفت بواسطة احب الدنيا:
شـكــ وبارك الله فيك ـــرا لك ... لك مني أجمل تحية .

شكرا يا قمر على المرور

كتبت : شمعة لاتنطفئ

class="quote">اقتباس : المشاركة التي أضيفت بواسطة ماما نونه:
[align=center]
شكرااا رشا على الثقه الجميله دى وتنورى مصر فى اى وقت
وكلمينى عن كل شئ عن الرياض

وكملى رحلتك فينك يا سكر
[/align]

هلا وغلا بماما نونه

كيف حالك

راح أكمل بس لأنه الاب توب حقي كان محتاج شوية شغلات يسويها له زوجي

عشان كدا تأخرت

بإذن الله إن فضيت اليوم راح أكتب لكم

تعرفي للي مزعلني إنو نفس موضوعي نزلته في منتدى تاني وماله عندهم غير 4- 5 أيام وعدد اللي قرأوا الموضوع فوق ألف قارئة ...

والناس تتفاعل وتشارك ..

يمكن عدد اللي يدخلوا دا القسم في منتدانا الغالي قليل عشان كدا

بس برضو راح أكمل بس عشانك انتي ..

كتبت : شمعة لاتنطفئ

الحلقة الخامسة

لمن وصلنا مطار كوالالمبور الدولي

كنت مرررررررررة تعبامة لأنو عدى علي يوم كامل تقريبا بدون نوم

قمت الساعة 12 الظهر
الساعة 5و نص في الطيارة إلى أبو ظبي
الساعة 12 ونص ليلا في الطيارة إلى ماليزيا - كوالالمبور
ودحين الساعة 8 صباحا

الهم جلسنا أنا وزوجة صاحب زوجي ربي يسعدها - وكلنا كنا عباية على الراس -

قلت لها : الحمد لله خلصنا ووصلنا ...

قالت : مين قال لك ؟؟؟ لسه باقي بيننق ......

قلت : ايش؟؟؟؟؟؟؟؟؟؟

قالت : لسه باقي نركب طيارة ونروح جزيرة بيننق

كنت راح أنفجر من العصبية اللي جاتني

كل حلمي مخدة وبطانية - إهئ إهئ إهئ

وفي دا الوقت راح زوجي وصاحبه يخلصوا إجراءات السفر إلى جزيرة بيننق

ولمن جو رحنا ركبنا قطار داخل المطار عشان نروح نجلس قريب البوابة

ودي صور له على يسار الصورة - طبعا الأبواب الزجاجية لمن تفتح يكون القطار بالداخل ولازم بسرعة نركب -

وكانت الرحلة الساعة 9

سويت لولدي حليب ..وجلست أنا وزوجي جنب بعض ...

وكان في زوج وزوجته شكلهم عرسان برضو من السعودية أو من دولة خليجية بس الأغلب السعودية - كانت الحرمة مغطية -

سمعنا النداء لرحلة جزيرة بيننق - وطبعا ركبنا على الطيران الداخلي لماليزيا

صراحة كان شكل الطيارة سيء جدا - وعلى قولتنا معفنننننننننننن- وللأسف مالقيت صورة لنفس شكل الطيارة اللي ركبناها

لا مكيف ولا شي

قال صاحب زوجي لزوجي : الله يرحم طيران الاتحاد

لأنو رووووووووووووعة قليلة فيه وما فيه أي عيب إلا لبس المضيفات القصير جدا وأغلبهم أجانب

المهم كانت الطيارة مرة صغيرة

احنا كان مكاننا قريب الشباك ..المقعد اللي جنب الشباك على طول جلست فيه حرمة ماليزية - بس شكلها من أصل صيني - رايحة لبيننق
وأنا جنبها وبعدين زوجي جنبي

المهم شوية جابو المضيفات كاسات بلاستيك فيها عصير برتقال أو حليب كاكاو!!!

وكل واحد ياخذ كاسة

وبعدها جابو أكياس صغيرة فيها فول سوداني

يا عيني على الأكل بس

جلست أتحكى مع الحرمة اللي جنبي بالانجليزي طبعا

قلت لها انتي من هنا -أقصد من ماليزيا ؟؟

- نعم وانتي ؟؟

- من السعودية ؟؟

" ترا ماني فاكرة لآنو دي أول مرة أكتب مذكراتي وقصتي بالتفصيل فممكن أنسى شي أو ألخبط في شي "

قلت لها : ليش مسافرة بيننق ؟؟

- : أنا أشتغل في كوالالمبور وآخر الأسبوع أروح لبيننق ...لأني أصلا من هناك وساكنة هناك ..!!!!

- : متزوجة ؟؟

- : نعم ..

- : كم عندك ؟؟

- أذكرها قالت : أربعة والرابع صغير عمره 10 شهور .. " وترا الحرمة ماهي سمينة أبدا وجسمها مرتب صح مي حلوة بس مو باين أم لأربعة مو زي كتير حريم عندنا بعد أول واحد تفرط -

- : مع مين تتركيه ؟؟؟

- : مع المربية !!!!

شوية ما حسينا قيدنا وصلنا إلى جزيرة بيننق ...

وبعدين

إلى اللقاء في الحلقة القادمة

كتبت : ~helwa~

[align=center]
بتشوقينا انت دايما كده يا رشا هو انت غيرت اسمك ليه ؟؟؟؟

ويا قمر لو كل واحد قال عدد الردود البسيطه يبقى عمر القسم ده ما حيطور

بس خدى بالك عدد زواااره كتييير جدا متيأسيش رشا وانا معاكى

ومستغربه ان الطيران وحش والله حاجه غريبه

مستنين باقى الحلقات ان شاء الله بالتوفيق
[/align]

كتبت : شمعة لاتنطفئ

class="quote">اقتباس : المشاركة التي أضيفت بواسطة ماما نونه:
[align=center]
بتشوقينا انت دايما كده يا رشا هو انت غيرت اسمك ليه ؟؟؟؟

يسعدك ربي يا غالية ...لازم أسوي كدا

وغيرت اسمي لأنو حلو التغيير وفي سبب تاني كمان
ويا قمر لو كل واحد قال عدد الردود البسيطه يبقى عمر القسم ده ما حيطور

بس خدى بالك عدد زواااره كتييير جدا متيأسيش رشا وانا معاكى

أعرف وأصلا أنا أموت على دا المنتدى وأحبه كتير وكل فكرة عندي أبدأ فيها هنا وأحب أكون ممن يخدموا دا المنتدى ويطوروه .....بس تعرفي الموضوع متعب شوية ويبغاله وقت ...
عشان كدا أحب اشوف تفاعل

ومستغربه ان الطيران وحش والله حاجه غريبه

أقصد يا عسل إنو مثلا غلاف الكراسي مرررررررررة يقرف ألوان ماهي متناسقة

ثانيا ما في تكييف أو في بس مرررررة ضعيف

ثالثا ما في وجبة خفيفة طيبة محترمة

ويمكن أنا ترا مدلعة شوية وأحب الشي المرتب ومتعودة على الخطوط السعودية - وهي معروفة بأنها مرررررة ممتازة وكمان لما رحت بطيران الاتحاد انهبلت أكتر -

يمكن غيري يشوف إنها كويسة بس انا بنظري

سئ جدا جدا جدا جدا جدا

مستنين باقى الحلقات ان شاء الله بالتوفيق

شكرا يا قمر وراح تبسطي بالباقي إن شاء الله
[/align]

وشكرا على المرور

أوراق من مذكراتي ....رحلتي إلى ماليزيا الساحرة ...مواقف ..وطرائف ..وفوائد..

مجتمع رجيم / هذة رحلتى .. لا للمنقول

رحلتى إلى أسوان ...من تصويرى الخاص

الطبيعه في منطقة جازان