تحياتي بنت الاسكندريه
موضوعك جميل, فعلا احنا عندنا نعم كتير ربنا انعم بيها علينا و كتير مننا مش بيحس بيها
غالبيتنا بيشوف الحجات الوحشه و العيوب
و سبحان الله كتير مننا مش بيعرف قيمة النعمه اللي عنده غير لما يشوف حد محروم منها او انها تروح منه
مش شرط ان الجمال يكون جمال الشكل
ربنا خلقنا فينا مميزات و فينا عيوب و مافيش حد كامل
الكمال لله سبحانه و تعالي
الجمال بالنسبه ليا انه حاجه مميزه في شخص و الناس بتشوفها فيه
مش شرط يكون الجمال جمال وجه او جسم بس
ممكن تكوني انسانه جميله بأخلاقك و تربيتك
ممكن يكون ليكي اسلوب جميل في الكلام مع الناس يخلي الناس تحب تسمعك
ممكن تكوني انسانه مرحه جميل فيكي المرح
ممكن يكون عندنا ثقه في نفسنا كل واحده تشوف ايه الحاجه المميزه الي فيها و تحالو تحسن من نفسها اكتر
جميله بديني ,جميله بأخلاقي ,جميله بتربيتي , جميله بحب المحيطين بي , جميله بروحي
موضوع جميل بجد و ياريتنا زي ما بنشوف ان شكلنا مش جميل نشوف ايه العيوب الموجوده في شخصيتنا قبل الشكل
اللهم حسن خلقي كما حسنت خلقي
خلقي الأولي بمعني أخلاق
خلقي الثانيه بمعني شكل
