علاج الملل

مجتمع رجيم / التنمية البشرية وتطوير الذات

كتبت : ,,,SAMAR,,,

طرق علاج المــلل عند البنات

1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

2- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟

3-قصي اطراف شعرك ..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

5-روحوا السوبر ماركت وامسكوا العربانة ودوروا فيها ودعموو بخلق الله وقولوا اووه آسفة مادريت

6-امسكي ريموت كونترول واحذفي كل القنوات من الرسيفر وارجعي حطيهم من جديد (هذا وجهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

9-سوي عصير برتقال واشربيه

10- غيرى مكان اثاث دارك

11-اقروا مجلة اطفال (ارجعي لايام الطفوله)

13- خذيلك حمام بارد وقعدى ساعتين بالحمام >> اذا ما طلعتى تدورين الفراش هذا وجهى

15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

16-روحوا مواقع بطاقات وكاردات وارسلوا لصديقاتكم ..

17-ألفي مسجات نقال ونكات ماسنجر..خذي مجلات فواصل وديوان طلال السعيد وطلعي منه ابيات شعر تصلح نكااات للماسنجر واكتبيها بورقة..

18-ادخلي غرفتك وحطي (مكياج كامل) كأنك رايحة لعرس ولطخي وجهك تلطخ وتصوري نفسك ..حركة صح

19-امسكي دفتر تلوين اطفال واقعدي لوني ...هههه

20-اذا زهقتي افتحي كبت ملابسك وقعدي قيسي ملابسك بدلة ورا الثانية< يمكن يجي الصبح ماخلصتي من كثرهم

21-روحي المطبخ سوي كيكة (هذا وجهي اذا احد اكلها)

22-سوي ايميل جديد واقعدي العبي على اللي تعرفينهم ..

23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25-اطلعي وانزلي الدرج عشرين مرة .. منها تتمشين ومنها تسوين ريجيم< ذبحتكم القعدة والفراغة

26-اقعدي على الكومبيوتر وحوسيه مثل العادة

27-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

28-طلعوا حوشكم ..ولعبي كرة..وكسري ليتات البيت

الظاهر بعد هالنصايح راح تدعون لي

م ن ق و ل

[align=center][table1="width:100%;background-image:url('http://www.rjeem.com/forum/mwaextraedit2/backgrounds/30.gif');border:4px groove green;"][cell="filter:;"][align=center]
لا تصدقون هذه النصايح فنحن محاسبين على الوقت هذا كلام فاضي
[/align][/cell][/table1][/align]

كتبت : فرفوووشه

صحيح كلامك حبيبتي كثير من هالمواقف بتحصل معانا واكثر شئ بالنسبة لي
2- اطلعي الحوش ولا السطح وافرشيلك فرشة وانسدحي على ظهرك وتآملي النجوم واسترخيييي وتاملي؟!؟!؟

كتبت : طبعي ذبح غيري

ههههههههههههههههههههههههه
شكلي بسويها كل يوم وحده