كذب في كذب !!

ام ياسمين انا سعيدة كتبر انكم تصارحتوا
انت ابدي بالأول واهتمي فيه وهولما يشوف اديش انت تغيرتي رح بتغير ويبادلك نفس المشاعر يلي بتعطي يا ها انت المهم اعطي انت الحب والحنان وهو رح يتعلق فيك اكتر

الخيال الحر انا كتر بنبسط لما اشوف ردك . الحمدلله انا هيني عم بحاول كل جهدي انه الحياة تمشي طبيعية من غير مشاكل و يارب استمر و الله يصبرني عليه و يصبره علي !

بس في مشكلة تانية بليز ما تزهقي مني .. انا هل اليومين بشك فيه بدرجة كبيرة، يعني كل لما احكي معاه بلاقي تلفونه مشغول و بيطلع كتير من البيت يعني ما بيجي يوم و غير يطلع فيه و لما يروح ينام لازم موبايله جنبه و هو حاطط رقم سري عليه علشان ما افتحه! انصحيني ايش اعمل و كيف اتصرف و اذا بدك اشيل هاي الفكرة من دماغي احكيلي كيف.! وشكراً كتير لكل اللي بساعدوني

حبيبتي احكي وعبري عن كل يلي بدك ياه انا موجودة هون عشانكم وعشان تعبرواعن كل مشاعركم وهمومكم ومشاكلكم وانا واجبي المساعدة واني اتناقش معكم لنوصل لحل مناسب وانا سعيدة كتير فيك وسعيدة اكتر لانك عم تحاولي تتغيري للاحسن عشان بيت وزوجك وديما قوليلي اخبارك واحوالك وشويلي عم يصير معك انا متل اختك .
انا عارفه انه هذا الشك مو بإيدك وانه هو نتيجة تصرفات زوجك خلينا نفترض انه هو عم يحكي مع بنت انت مارح تقدري تمنعيه وتخليه خصب عنه يترك الحكي مع هذه البنت بس اذا انت طنشتي هذا الموضوع واهتمتي بزوجك كتير واعطتيه الحب رح يترك لحاله الحكي مع هذه البنت ورح يصير يهتم فيك وكل الافكار يلي عم تيجيكي لازم طنشيها وتقولي لنفسك معلش لو عرفة بنت تانيه رح يرجع الي لانه بحبني كتير والمهم عندي اني اقضي انا وياه يوم سعيد ولازم تثقي بنفسك وبقدرتك على جذب زوجك الك وانك تخليه عطول يفكر فيك وبكيفية اسعادك ولازم تستمتعي بالوقت يلي بتقضيه انت وياها وتخليه سعيد كتير بالجلوس معك عشان هيك هو إذاكان عم يحكي مع بنت تانيه فهو رح يبطل يحكي معها

عن جد كلامك رائع و مقنع انا خلص من اول ما قرأت كلامك قررت أحاول ابعد التفكير في مواضيع الشك و زي ماحكيتي لازم اجذبه إيلي.

على فكرة امبارح الجمعة طلعنا مشوار كثير حلو على مطعم و ياسمين بنتا لعبت بالمراجيح و تصدقي انه هو اللي كان بيلعبها و بمرجحها !! هاد علشان انا حاولت اعمل زي ماحتيلي اني اغير من حالي و على طول بدعي لربنا انه يوفق بيني و بين زوجي! و كان في المشوار كتير مهتم اني انا اللي اكون مبسوطة حتى الفاتورة طلعت غالية و كمان سمعت منه كلام كتير حلو زي لما كنا خاطبين! انا كتير انبسطت و حتى ودَانا عند تيتا أم ماما اللي مش كتير بحب يروح عندهم بس علشاني راح . و كمان دفعلي حق باقي الجلاي علشان يريحني و قاللي انه المهم راحتك يا حبيبتي!! و كمان وافق اني اجيب وحدة تساعدني في تنظيف البيت و بده يودي الحرامات على الغسيل بدل ما انا اغسلهم و اتعب !! تغير فظيع و مفاجئات ما كنتش اتوقعها!!
تعرفي لما راح يوم الخميس عند صحابه زي دائما (انا حكيت معاه و قلتلله انبسط يا حبيبي مع اصحابك، مع انها على مضض ) كان بيرجع الساعة 4.30 الصبح بس هاي المرة رجع الساعة 2:30 و قللي انا اسف كتير يا حبيبتي و سامحيني لاني كنت بتأخر عليكم (انا وياسمين) هاد الاسبوع كتير!!!

وخللاني اشتري ميزان علشان ابدأ بالرجيم و انحف و على فكرة هو دائماً بيحكيلي انت حلوة يا مها بس بدك تنحفي بتصيري أحلى من مليون بنت!!

ما شاء الله تبارك الله ، و الله يسمعنا على طول الأخبار الحلوة واستمري على هذا التقدم ولاتيأسي أبدا وانا سعيدة فيك وخليكي على طول عم تكتبيلي خصوصا إذا واجهتك بعض المتاعب والمهم لاتيأسي ولا تستسلمي وادعي الله ان يوفقك ويسعدك مع زوجك

كلك ذوق يا الخيال الحر انا كتير سعيدة بالكلام و الفضفضة معاكي