كذب في كذب !!

مرحبا.. كيفكم ؟؟
انا بصراحة عندي اخبار مش كتير حلوة ! انا زهقت من كتر البهادل و سماع الكلام اللي بيهين!!!
يعني مافيها شي اذا كنت نسيت اجيب شغله قاللي عليها!! ما خربت الدنيا !!!
بيصحى الصبح مش تايقني !! بيحكي معي بطريقة كلها حقد و شرانيه ! هو انا لازم استحمل كل الهاد الكلام و لازم افضل ادعي!!! يعني هو مش بينفع ينعدل ما دام شايفني بتحسن معاه، و كمان انا من يوم السبت اللي فات نقصت 2 كيلو و هيني بدي أكمل!
اليوم طبعا كالعادة صحي مش طايقني مع اني امبارح بالليل كان هو تعبان و عملتاه مساج لكل جسمه مع اني انا كمان كنت تعبانة كتير و قولوني تاعبني . طلب مني اجيبله شغله معي من البيت علشان يحطها معاه بالسيارة فنسيت لاننا اتأخرنا من تحت راسه!
قلتلله اني نسيت !!! صار يجيب الكلام شمال يمين : هو انتي بتفكري حالك نافعة او في منك غايدة ! انتي عبارة عن تكمالة عدد في هاد البيت !! لازم يعني كل يوم الصبح تتبهدلي وياريت في فائدة لأ عم بتصيري اسوأ من الاول!
بعدين شاف وحدة حلوة بتوقف تاكسي : قاللي : مره (ست) واللهي مره مش زيك ! الواحد ببيع الأرض كلها علشان بس تتطلع فيه !!
و امبارح كمان سمعني كم كلمة لأني حكيت لمسة ياسمين انها بتغلبني !!!

انا خلص ما رح أفضل ادعي و ما رح افضل اتعب نفسيتي اكتر ماهي تعبانة لسه امبارح بحكي مع الدكتور الي الله لا يوفقه بتاع الجامعة اسأله عن الامتحان بيحكيلي اني مش بزبطه و احتمال كبير اكون راسبة !! يعني كمان سنة جامعة بس انا اذا رسبت ما رح اكمل!!

رح احكيله اني انا بطلت احبه و ما بدي اياه..خلص بيكفي قرف و كلام مهين و عمل مقارنات ببنات اصلاً مش معروف هما ايش بالضبط!!! و نكد بالبيت و دائماَ الحق بيرجع علي .. يا نايم يا بره البيت يا بيحكي تلفون يا عم بينتقد في و بيصيح!!!

طولي بالك يا ام ياسمين معك حق المقارنات بتضايق كتير حاولي تتفاهمي انت وياه وتتناقشوا وتتحاوروا وتقوليلوا انه هو عم يجرحك بكلامه ويضايقك كتير بس لازم تكوني هادية انت وعم تتناقشي معه من دون عصبية
الله يكون بعونك ويصبرك

عند زوجي كل لما تتناقشي معاه بيجرح و بيهين اكثر !!!!!!!!!

و بيرجع الحق عليكي دائئئئئئئئئئئئئئئئئئما !

السلام عليكم ورحمة الله وبركاته
الغالية مها هطلب منك تقري كلامك الل كتبتيه من كان يوم كويس جداااااااااااا
class="quote">اقتباس : المشاركة التي أضيفت بواسطة أم ياسمين:
عن جد كلامك رائع و مقنع انا خلص من اول ما قرأت كلامك قررت أحاول ابعد التفكير في مواضيع الشك و زي ماحكيتي لازم اجذبه إيلي.

على فكرة امبارح الجمعة طلعنا مشوار كثير حلو على مطعم و ياسمين بنتا لعبت بالمراجيح و تصدقي انه هو اللي كان بيلعبها و بمرجحها !! هاد علشان انا حاولت اعمل زي ماحتيلي اني اغير من حالي و على طول بدعي لربنا انه يوفق بيني و بين زوجي! و كان في المشوار كتير مهتم اني انا اللي اكون مبسوطة حتى الفاتورة طلعت غالية و كمان سمعت منه كلام كتير حلو زي لما كنا خاطبين! انا كتير انبسطت و حتى ودَانا عند تيتا أم ماما اللي مش كتير بحب يروح عندهم بس علشاني راح . و كمان دفعلي حق باقي الجلاي علشان يريحني و قاللي انه المهم راحتك يا حبيبتي!! و كمان وافق اني اجيب وحدة تساعدني في تنظيف البيت و بده يودي الحرامات على الغسيل بدل ما انا اغسلهم و اتعب !! تغير فظيع و مفاجئات ما كنتش اتوقعها!!
تعرفي لما راح يوم الخميس عند صحابه زي دائما (انا حكيت معاه و قلتلله انبسط يا حبيبي مع اصحابك، مع انها على مضض ) كان بيرجع الساعة 4.30 الصبح بس هاي المرة رجع الساعة 2:30 و قللي انا اسف كتير يا حبيبتي و سامحيني لاني كنت بتأخر عليكم (انا وياسمين) هاد الاسبوع كتير!!!

وخللاني اشتري ميزان علشان ابدأ بالرجيم و انحف و على فكرة هو دائماً بيحكيلي انت حلوة يا مها بس بدك تنحفي بتصيري أحلى من مليون بنت!!