سلسه غسيل الملابس ( الملابس الملونه )

مجتمع رجيم / التجارب والحلول المنزلية
dodobaby

كيف حالكم خواتي؟؟؟ ان شاء الله الجميع بخير....
اليوم تكملت موضوعنا من سلسله غسيل الملابس
وها الموضوع مخصص للملابس الملونه......

أول خطوه في غسيل الملابس الملونه هو التقسيم...:

والتقسيم مهم جدا" في المحافظه على نوعيه الملابس
وتقسيمي للملابس الملونه يكون بالشكل التالي....:
1. الملابس الفاتحه ( ومعها الداخليه و الشيفونات..)
2. الملابس الداكنه والجينزات ( وممكن يكون معها الشيفونات والحراير لو كانت داكنه )
3. الملابس اللي ممكن تنزل لون سواء كانت جديده أو حتى في أنواع من الملابس تنزل لون مهما انغسلت
4. الفوط

01210667.jpg


أذا عندج ثياب فيها بقع حطي على البقعه شويه فانيش وخليها شوي
وأذا ما نفعت دعكيها بصابون الوزير بعد ما تنقعينها معا صابون الوزير بالماي
صابون الوزير يابس عشان جي الافضل تنقعينه فالماي كم دقيقه عشان يلين معاج بس مو اطووولين عقب تيين تدورين الصابون ما تلقينه
والصابون متوفر بنوعين مبشور ومكعبات والمكعبات افضل عشان تدعكين به...
الملابس الملونه الفاتحه....
41210435.jpg


طريقه الغسل..:
11210435.jpg


اقسم الغسيل قسمين
قسم ينحط بأكياس الغسيل... ويشمل ( الملابس الداخليه بعد تسكير مشكابك الستيانات... الملابس الحساسه والحرير )
والأفضل قبل الغسل انك تسكرين أي سحاب أو أزرار أو مشابك في الملابس قبل غسلها...
31210435.jpg


أعبي الغساله ماي وأحط في ترس الغطا حق الشامبو 3 أو اربع مرات... وأذا كانت الملابس فيها بقع احط 100 مل من فانيش طبعا"
أنا معاييري كلها بالنظر بس قاعده أحاول اقرب الموضوع
والشامبو في أنواع كثيره تختلف في كثافتها فلو كان الشامبو سايل بزياده لازم تزيدين الكميه
وأنا مع أن غسالتي من النوع اللي أيي فيها مكان لمنعم الملابس معا التشطيف لكني بطلت احط منعم لان فيها عيب انها اتخلي الغسيل يشمع
وهذا عيب من الغساله نفسها...
الملابس الملونه الداكنه...:
51210435.jpg


تشمل الملابس الداكنه والجينزات و( الحراير الداكنه اللي احطها داخل كيس الغسيل )
31210435.jpg


غسيلهم ما يفرق عن الفاتحه غير انج تعزلينهم عشان الالوان ما تنتقل لبعض

الملابس اللي تنزل لون أغسل كل قطعه بروحها ... وغسيل عادي مثل اللي فوق
انا في غسالتي في خيار للغسيل الاقتصادي وهو بماي قليل يعني عادي لو اغسل قطعه وحده او ممكن تغسلينها باليد
غسيل الفوط....:
أذا كانت متسخه أغسلها بالشامبو عادي
وأذا كانت نظيفه بس أغسلها عن الأستخدام أو ريحه الماي فأفضل أني اغسلها بالغساله بداوني بس تصير ريحتها حلوه وناعمه


انتهى الموضوع
أتمنى انه يفيد
تحياتي للجميع

www.uaekeys.com42.gi

بنتـ ابوها
توضيح رائع

مشكوره على النقل يالغاليه
دوللى
[align=center]
وعليكم السلام ورحمة الله وبركاته

مشكورة على النقل الرائع


[/align]
سمرا مصر
ஐвℓαcĸ єyєsஐ

التالي

معلومات تهم كل ست بيت

السابق

طريقة صنع كريم زنجابيل

كلمات ذات علاقة
الملابس , الملونه , صلصه , غسيل