الكبيبات السورية على طريقتي و(بالصور)
مجتمع رجيم / الاطباق المتنوعة
كتبت :
bessan05
-
عملت اليوم كبيبات فحبيت ورجيكون طريقتي ويا رب تعجبكون
المقادير:
كاستين ونص برغل اسمر ناعم مطحون ومنضيف الو رشة كمون وملح
ولنسوي عجينة منضيف شوية مي حسب طلب العجينة ورشة طحين اذا احتاج الامر
بعدين منقطع العجينة قطع صغيرة ومنكورها بالايد لتصير هيك النتيجة
بعدين وبعد انتهاء الكمية
منسخن مي لتغلي ومنحط الكبيبات فيها ومنتركا تغلي 10 دقائق
منشيلون من المي ومنتركهون ليصفون
بعدين ولبين ما تنشف المي عنون منحضر التبلة
وهي عبارة عن:
ثوم _دبس رمان_دبس فليفلة_بقدونس_ملح وكمون_زيت زيتون
منخلطون مع بعض ومنضيف الهون الكبيبات وهيك بيكون طبقي صار جاهز
وانا بانتظار ردودكون الحلوة فلا تحرموني منها
