عمرك فوق 28 .... ولم تتزوجي بعد حياك الله
مجتمع رجيم / قسم الأرامل و المطلقات و المتأخرات عن الزواج
كتبت :
الحبوبة
-
أختي الحبيبه طيف الحب
أسفه علي تأخيري بس لظروف قاهره
ويمكن لأنه كان عندي أكتئاب نفسك بالضبط
بس حابه أقولك شي تري يمكن أنا أحس فيك مثل ما أنتي تحسيني فيني
أحنا صرنا هاجسنا الوحيد هو الزواج
يعني أي أحد يقولنا أبي أكلمك عن موضوع
الفكره الوحيده اللي تطلع في وقتها يمكن تبي تفاتحني بخصوص الزواج ؟ ولا جايبه لي عريس؟؟؟؟؟؟؟
وأي وحد من صديقاتي تعزمني علي عشا ولا غداء
أقول يمكن ماتبي تحرجني وجايبه لي عريس يشوفني من بعيد
وظليت علي هذا المنوال مده طويله
كله في تسألات في راسي
يمكن ؟ ويمكن ؟ ويمكن ؟
بس عارفه شنو اللي توصلت له في الوقت الأخير
قلت ليش أعيش نفسي بهذي الدوامه البحث عن زوج
أذا الله
كاتب لي شي راح يصير لو مهما كان
بدون ما أفكر وأعيش حاله بدوامه من الأكتئاب
كل اللي علي أدعي ربي وأملي بربي كبير
وأدعي عن يقين بقدرت الله وأجابته
وأحسن من شكلي وأنحف
ولكن؟؟؟؟؟؟
مع هذاما أعيش عمري بدوامه من الإحباط بالعكس أهتم بنفسي أحب نفسي أشغل نفسي
بأمور أنا أحبها أغير نفسيتي وحياتي أضحك أسوي الخير لناس
لأني عارفه أنه ربي راح يجازيني خير
أرمي كل شي ورا ظهري وأعيش الأيام مثل ماهي تري اللي يفوت ماراح ترجع مره ثانيا
ليش أعيشها بنكد وإحباط
تري في ناس وايد متزوجة وعايشه بتعاسه ليش أعيش نفسي كذا
حبيبتي أعطيك نصيحه تسوينها روحي عمره
أنا كنت قبل فتره وايد تعبانه اللي يكلمني أو يقولي شي
أهب فيه وأصرخ عليه بس لما رحت العمره أرتحت
وااااااااايد الحمد الله
أختي عيشي حياتك دللي نفسك لاتستنين
الزوج اللي راح يدللك
لبسي ، طلعي ، مارسي هواياتك ، أشتركي في دورات ، نادي
ممكن بين فتره والثانيه الواحد يحزن علي نفسه بس شنو يسوي يموت من القهر
والحسره
لاء لاء لاء وألف لاء
وعسي أن تكرهو شياء وهو خير لكم
سبحان الله هذي الأيه دايما تريحني لما أسمعها
يارب يرزقنا الأزواج الصالحين الحنونين اللي يقدونا
لأنا بدون مبالغه جواهر مدفونه
وراح أي من يقدرنا بإذن الله