((مــــ to gather ـــعاً)) الحلقة الثالثة الجزء الاول (إلى درة).؟.؟
مجتمع رجيم / مسجات الجوال
كتبت :
~Cherry~
-
السلام عليكم ورحمة الله وبركاته
حياكم الله في حلقاتنا الاسبوعية الثالثة مع فريق
((مــــ to gather ـــعاً))
نطل عليكم اسبوعيا بحلقة متنوعة شيقة ممتعة ومفيده ,, نتقلب بين نسيم الاحاديث والمواضيع ونفحات القصص وعبير الفلاشات والتواقيع ..
هدفنا بإذن الله توعية الشباب على خلق الاسلام ونتعلم من سنة نبينا المصطفى محمد صلى الله عليه وسلم
ولا ننسى الاجر والثواب من عند الله تعالى وندعو الله ان يتقبل منا ويجعلنا ممن يسمعون القول فيتبعون احسنه آمين
حلقتنا هذا الاسبوع خاصة قليلاولكنها عامة ان شاء الله
الحلقة الثالثة الجزء الاول (إلى درة).؟.؟
راح اقولكم قصه غريبة بس صراحه اتأثر تعالوا معاي نعيش احداث القصة الحقيقية وخلينا انشوف صاحبة القصة شنو اتقول لنا
في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحلة وماسكره وروج وردي ناعم وانا اتمشى بالمجمع لاحظت ان شاب قاعد يراقبني بنظراته.... وبعدين تطور صار يلاحقني ,, طبعا ما اهتمينا فيه لان احنا في مجمع وما يقدر يمس شعره مني .. بعد ما وصلنا مكان شبه معزول بس كان فيه ناس وقفني وقال لي : تخيلوا شنو قال حق البنت
قال لها حرام عليك اللي تسوينه فيني تبغيني ارتكب الحرام غصب ..!! انا انصدمت من كلامه وقلت له: وش تقصد.؟؟ قال انتي مو شايفه شكلك مو شايفه عبايتك مو شايفة مشيتك .. والله حرام عليكم تلفتون انتباهنا وتخلونا نرتكب الحرام
بعدين رفع ايده للسما ( تخيلوا رفع يده يدعوا) قال : يارب ضاعف لها العذاب ضعفين مثل ما عذبتني وعذبت غيري ...
وبعدها رجعت للبيت افكر في كلامه .. طول عمري اتزين واتمكيج .. بس ما كنت اتوقع بحمل سيئات نفسي مو سيئات كل شخص الفت انتابهه ..
يعني اذا لفت انتباه 100 شخص بكرة ربي بيحاسبني عليهم اكثر مما يحاسبني على نفسي
وتخيلوا هاذي البنت قررت بإذن الله ان نورها يكتمل اشلون...؟؟
وقعدت ابكي ابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي