السلام عليكم
أنا أختكم ياسمين
القصة بدأت من زمااااااااااااااااان من وأنا صغيرة أنا كنت في أبتدائي رفيعه جيت على أعدادي تخنت وبقيت شبه الدبدوب كده طبعا أنتوا عارفين الي فيها من تعليقات ومواقف ماعلينا جيت على 2 ثانوي بدأت اخفف اكلي باكل من كل حاجه بس بكميات صغيرة بفطر وتغدى وتعشى على النمط دة وخسيت فعلا بس مش كتير المهم قررت وأنا رايحه على 3 ثانوي اني اروح جيم والكابتن هنا (ست طبعا) قالتلي افطري وأتغدي بس مش تتعشي ولو جوعتي كولي فاكهة انا كنت مقلله اكلي اصلا بس الي كان جديد عليا هو نقطة العشا المهم زهقت من الجيم وقولت هكمل مع نفسي وبدأت كنت بفطر نص رغيف مع الي موجود حته من هنا على هنا والغدى 6 معالق رز مع شوية الخضار وحتت اللحمه او الفراخ او السمك والعشا فاكهة وكنت مححده لنفسي 4 ثمرات فاكهه في اليوم وساعت مجوع وانا خلاص بقى خلصت نصيبي من الفاكهة المحدداها لنفسي باكل خيار او خس اوسلطة ومع الايام الكميات بدأت تقل بتدريج من نص رغيف لربع ومن 6 معالق رز ل 3 ومع الايام وبتدريج بدأت امنع الرز والعيش والمكرونة بس كنت باكلهم في الاكلات الجامده زي المحشي المكرونة بشمل كدة يعني بس كميات صغيرة برضه على فكرة كنت باكل حلويات وبشرب ببسي بس بكميات صغيرة خالص برضه من نفسي كدة والحمد الله على اجازة الصيف وانا رايحه 1 كلية كنت مووووووووووووووووووزه من الاخر ( في اهنا في المنتدى بنات مش مصريين فمش هيعرفوا يعني اية كلمة مووووووزة اقلوكم يعني اية يعني بنت من الاخر جمال ورشاقة اية ) بس يافرحه متمت خدها الغراب وطاااااااااااااار 4 شهور وبدأت اعك معرفش اية الي حصلي بقيت مفجووووووووووووووووووووووووووووعه وعارفة ان كدة غلط وهتخن وكنت بتخن فعلا بس لا حياه لمن تنادي المهم لما كنت اقول اني هرجع اعمل رجيم واخس الناس كانت بتحبطني وتقولي مش هترجعي تخسي تاني ولو خسيتي هيبقه بالبطيئ علشان انتي خسيتي قبل كدة وكل يوم يعدي عليا كنت بتخن اكتر واكتر المهم انا عرفت ان كلامهم غلط واني ممكن اخس تاني بس بالصبر والأرادة كلوا هيجي بس لحد اضه كل محاولاتي بتفشل من سنتين بحاول اخس ومحاولاتي بتفشل فشل زريع تخنت في سنتين من 61 كيلوا ل 87 ونص كيلوا
عاوزة اعرف منكوا اية الحل فلي انا فية دة وهل حد زي كدة انا بدأت من اضه تاني مع اني كنت قولت اني هبدأ امبارح بس ضعفت وعكيت واخرها الساعة 3 بليل اكلت بلح الشام وشكولاته وبسكوت وهييييييييييييصه وبكميات كبيرة اعمل اية
وحد فيكوا خس ورجع تاني تخن ورجع خس احكولي تجاربكم او تجارب حد تعرفوه
معلش طولت عليكم
مع السلامة
