طاعه الزوج واجبه بس بحدود(حلال مشاكل)

السلام عليكم ورحمه الله وبركاته الصلاو والسلام علي سيدنا محمد وعلي اله واصحابه اجمعين انا اسفه جدا يا جماعه لعنوان القصه بس ده كان ينطبق عليه في اول...

مجتمع رجيم / الحياة الأسرية
هبه مصر
اخر تحديث
طاعه الزوج واجبه بس بحدود(حلال مشاكل)

السلام عليكم ورحمه الله وبركاته
الصلاو والسلام علي سيدنا محمد وعلي اله واصحابه اجمعين

انا اسفه جدا يا جماعه لعنوان القصه بس ده كان ينطبق عليه في اول الزواج كنت زوجه عبيطه بحب زوجي كتير لدرجه كنت اجي علي نفسي وراحتي من اجل ابتسامه مريحه علي وجهه بسبب معاملتي اللي اكثر من رائعه لاخواته وده في سبيل انه يكون مرتاح
في بدايه الزواج قعدت وحدي في شقه بعد 7 شهور من زواجي تركنا الشقه علشان اخو الكبير عايزها ورحنا قاعدنا في شقه حمايه اللي قاعد فيها اخوه الاصغر منه ويكبرني انا بسنتين المهم اخوه مشكور قال انا هسيب الشقه علشان مش هينفع اقعد معاكم وهقعد عند اختي ودارت الايام وكل ما يجي يزورنا يقول اختي سوت اختي عملت جوز اختي بيقول ويعيد المهم جوزي قال مش هينفع اخويا يتبهدل كده لازم يجي يقعد معانا طبعا انا من ايده دي لايده دي وقولت حاضر ما هو بيت ابوة وكمان جوزي مش كان ينفع يجيب له شقه اهلي صاروا يزعقوا فيه ازاي ارضي بالوضع ده وامي قالتلي الحمو الموت بصراحه انا ما كنت اعرف يعني ايه الحمو الموت المهم علشان جوزي ميزعلش كدبت علي اهلي انه اخوه مشي من البيت ولما يجوا يزروني اطر اقول لاخو زوجي يمشي لحد ما اهلي يروحوا
المهم وبصراحه اخو زوجي محترم جدا جدا جدا ما كان ينظر لي نظره غلط وما كان يقعد معاي هو في حاله في غرفته حتي ما كان يخرج من غرفته الا اذا كان يخبط علي الباب ويستأذن في الخروج
المهم دارت الايام واجت عندنا بنت عم زوجي بنت بنووووووت وقتها وكانت ساكنه في نفس البيت وكانت جيه تاخد مني شيء علشان فرحها قريب المهم لاقتها بتقولي و انتي راضيه بوضعك ده ازاي قولتلها وضع ايه قالت انك قاعده مع ابن عمي وجوزك بيبقي في الشغل قولتلها بس مفيش حاجه غلط بتحصلراحت قالت هي الناس تعرف ايه اللي بيحصل من وراه الباب وبجد وبجد حسيت اني في دنيا تانيه ومالقيت نفسي غير اني بقولها امشي اطلعي بره
واقعدت ابكي كتير لحد ما زوجي جيه قالي مالك حكيت له كل الموضوع قعد يفكر ايه الحل
وطبعا مش هيقدر يقول لاخوه امشي وانا لو قولت لاهلي طبعا اكيد هيخدوني عندهم لحد ما هو يشوف له صرفه وطبعا في البدايه انا قولت لاهلي اني لوحدي في الشقه .
المهم دورنا علي الحلول
1_ندفع له اجره الشقه اللي احنا فيها مقابل يسيب الشقه ويقعد عند اخته تاني وطبعا رفض لان كان فاكر اننا طمعانين في الشقه .
2_الحل التاني هو اننا نسكن في شقه ايجار جديد وطبعا الحل ده رفضه زوجي دي بهدله وننقل من شقه لشقه
بس ده كان الحل يا بنات قعدت في شقه ايجااااااااااااااااااار جديد والا الطلاق منه ده كان شرطي ما انا مش هنتظر حد يقول اننا بنعمل حاجه بجد
وربي يشهد انه اخوه في غايه الاحترام بس لايصح الا الصحيح ، وبالفعل تركنا البيت وربنا كرمنا وبقي عندنا شقه نقعد فيها لوحدنا



مش عارفه انا اطالت عليكم ومش عارفه اذا كنت اقدر افيدكم من مشكلتي وحلها وله لاء
بس ربي يشهد اني كنت برضي زوجي في كل حاجه بس ما كنت اعرف ايه الصح من الغلط وما كنت اعرف كلمه الحمو الموت بمعني انه محرم مؤقت وساعتها لومت زوجي انه حطني في وضع زي ده .................. الواحد مش بيتعلم ببلاش
المهم كل بنت عايزة تتزوج لازم لازم لازم يكون لها شقتها الخاصه وما ترضي باي وضع لو سمحت لان اللي هتستحمليه النهارده مش هتستحمليه بكره وهيخلف عليكي المشاكل انتي وزوجك انا اقعدت في مشاكل سنه وشهرين ومش عايزه حد من اخوانتي يقعوا في نفس الطيبه العبيطه اللي انا كنت فيها وطبعا طيعي زوجك بس اعرفي حدود طاعتك ليه
ويارب يارب اكون افدتكم
flower1
بصراحه اختي اكثر البيوت فيها هالمشكله اكثر الازواج في بدايه حياتهم لايقدرون على ايجار بيت جديد فيضطرون للعيش مع الاهل ولكن لايشعرون بالندم الابعد الزواج

كثير بشكرك لطرح الموضوع
عبير ورد
السلام عليكم ورحمة الله وبركاته

والله عزيزتي كلنا نحاول أن نستحمل ونصبر لعل يأتي من الله الفرج لكن بعض الرجال سامحهم الله يفكرون إن سكوتك هذا ضعف وهو بالعكس أعتبره قوة لأننا نصبر على أشياء والله إنها تهد الجبال لكن نسأل الله العافية الله المستعان الله يفرجها علي وعليك يارب والمسلمين أجمعين يا أرحم الراحمين
موضوع أكثر من رائع بارك الله فيك غاليتي
منار28
الله يكون فى عونك ويجعل صبرك فى ميزان حسناتك ويسامح زوجك
randoda


ياه حبيبتى فعلا مشكلة كبيرة جدا و خاصة لما الزوج يكون متساهل

و لا يصح الا الصحيح حبيبتى كما قلتى بارك الله فيكى

بالتوفيق يا قمر


بسمه امل
يسلموا
الصفحات 1 2  3 

التالي

فتاة تتزوج من نفسها لانها معجبه بنفسها

السابق

هل ضروري ان تتزوج الفتاه شاباً وسيماً..؟

كلمات ذات علاقة
مشاكل , الزوج , بحدود , بحدودحلال , بس , واجبه , طاعه