لنرسم حياة اجتماعية مفعمه بالحياة
مجتمع رجيم / النقاش العام
كتبت :
ـآم فيصل
-
السلام عليكم ورحمة الله وبركاته
بسم الله الرحمن الرحيم
طابت أيامكم بالمسرات
ودمتم في أفضل حال
.....
سؤال لكم جميعا :
قبل ماتدخلون قسم الحياة الاجتماعية ..
عمركم تأملتوا العبارة المكتوبة بخط صغير تحت اسم المنتدى ؟؟!
طيب خلونا نتأملها مع بعض ..
حياة اجتماعية جديدة .. مفعمة بالحب والاحترام
هذي العبارة اللي أتمنى تتأملونها ..
هل حياتنا فعلا مفعمة بالحب والاحترام ؟؟
تخيلوا معي ..
لو إنك عاملتي كل الناس حولك بالحب والاحترام ..
بلا استثناء ..
الكبير والصغير
اللي تعرفين واللي ماتعرفين
اللي يستاهل واللي مايستاهل
تتوقعين كيف بتكون حياتك ؟؟!
أقل مافيها .. بترتاحين وتريحين قلبك لأنك ماراح تضايقين أي شخص أو تتسببين بألمه !
بوضح كلامي السابق :
الكبير واجب عليك تحترمينه
والصغير .. عامليه بحب وأيضا احترميه
لأن الصغير بالذات بيعاملك مثل ماتعاملينه .. لأنه يتعلم منك ..
اللي تعرفين واللي ماتعرفين :اللي تعرفينه .. لابد يكون قريب أو صديق
فإذا كان قريب فهذا من صلة الرحم
وإذا كان صديق فهذا من حقوق الصداقة
وإذا ماتعرفينه فأنت ترسمين لهالشخص صورة عن نفسك
إذا احترمتيه فهو بيحترمك .. وإن عاملتيه بحب بتكسبين قلبه !
اللي يستاهل واللي مايستاهل :
اللي يستاهل .. ماأقدر أقول فيها شي .. باختصار لأنه يستاهل !
اللي مايستاهل .. لأنك تعاملينه بأخلاقك مو بأخلاقه ..
فأنت تعلمينه الأدب .. مو تتعلمين منه قلة الأدب !
ولو نظرنا لديننا .. لوجدنا انه ركز في التعامل على سلامة القلب
ولو إننا فعلا طبقناها ..
كان وجدنا
الحياة المفعمة بالحب والاحترام
وهنيئا لنا براحة الدنيا .. والأجر في الآخرة ..
بذكر بعض الأمور المهمة لسـلامة الصدر وراحته .. وإذا ارتاح القلب
وجدنا السعــادة والــراحــة ..
أول أمر ..
اهتمي بملأ قلبك بالحب .. بتقولين كيف ؟!
من خلال اختلاطك بالمجتمع اللي حولك بتلاحظين كيف ان اللي تقابلك وتلقي السلام مع ابتسامة جميلة .. ينشرح صدرك لها وترتاحين لها مباشرة ..
وأتوقع هالأمر سهل علينا كلنا ..
طبعا لاتنسين المصافحة .. وأظنكم جميعا تعرفون ان المصافحة سبب في تساقط الذنوب ..
الأمر الثاني :
نجدها في هذا الحديث :
{ لا تباغضوا ولا تحاسدوا ولا تدابروا ولا تقاطعوا وكونوا عباد الله إخواناً، ولا يحل لمسلم أن يهجر أخاه فوق ثلاث } [رواه مسلم].
فيه أمور تشترك مع النقطة السابقة .. لكن المهم :
( ولاتقاطعوا ، ولايحل لمسلم أن يهجر أخاه فوق ثلاث )
للأسف .. الكثير يتهاونون بمسألة الزعل والهجر
بينما في الحديث ( لا يحل ) يعني لايجوووز
وأكثر مايدمي القلب .. إنه الهجر أحيانا يكون بين الأقارب اللي أصلا لهم حق الصلة ..
لاتقولين مايستاهلون أو مايقدروني ..
تعرفون الصحابي اللي سأل الرسول صلى الله عليه وسلم أن له أقارب يصلهم ويقطعونه
فقال له :
( فكأنما تسفهم المل في وجوههم ) يعني تحث التراب على وجوههم
لكن هل قال الرسول صلوات ربي وسلامه عليه اتركهم ولاتصلهم يكفي ؟؟؟!!!
الأمر الثالث :
الظن السيء
وللأسف هذي منتشرة بقووة .. والأغلب يتساهل فيها ويعتبرها مثل شرب الماء !
ظنك .. إثم !
وماأحد ناقصه آثام وذنوب .. الله المستعان !
الأمر الرابع :
لاتسمعين لكلام الناس .. ولاتفرحين اذا جات وحدة تقولك سمعتي فلانة وش قالت لك .. سكتيها وخلي قلبك نقي أبيض مايشوهه شي ..
الأمر الخامس :
الرضى بما قسم الله لنا ..
أخيراً ..
إن كنتِ تريدين أن تكوني من أسعد أهل الأرض
وأهناهم حياة
ومن أهل الجنة
فعاملي من حولك بالحب والاحترام
واجعلي قلبكِ أبيضا نقيا ..
ملأ الباري قلوبكم سعادة ورضى ..
منقول من اخصائيه اجتماعيه
