زغاريد شامية

مجتمع رجيم / ساحة مرح
بلاد الشام
آخر تحديث: 30 سبتمبر, 2020
الزغاريد (الزلاغيط)



للأفراح عند النسوة الدمشقيات زغاريدها، وللزغاريد اسم في اللهجة الشامية هو "الزلاغيط"، ومفردها "زلغوطة". والزلغوطة ترديد جماعي بأصوات نسائية مسبوقة بعبارة "أوها" وملحوقة بـ "لي لي لي لي ليش"، وهي تقال بأصوات عالية وبنغمة واحدة لا تتغير.


ومن الزلاغيط المعروفة في دمشق:



أوْها بِـبيـتنا رمّـانـة أوها حـامضـة و لفّـانـة
أوها حَـلَفْنا ما نقطعـها أوها ليدخل عريسنا بالسلامة
لي لي لي لي ليش



أوها ديـارنا كـبـيـرة أوها ودَرَج الحـمام فيـها
أوها وأم العريس فرحانة أوها إن شاء الله ربي يهنّيها
لي لي لي لي ليش



أوها "فلان" يـا واحـد أوها "وفلانة" يـا اتنيـن
أوها اللي ما يصلّي عالنبي أوها لـيعـدم العـينتيـن
لي لي لي لي ليش


أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش


أوها حَصَّنتك بياسـيـن أوها ويا زهـر البسـاتين
أوها يا مصحف صـغير أوها على روس السلاطين
لي لي لي لي ليش


أوها شـو هالنهار اللايـق أوها وفرحتلنا الخـلايق
أوها وطقت قلوب الأعادي أوها ولَمّن حقت الحقايق
لي لي لي لي ليش




أوها ويا جماعـة كلكُـن أوها وما نسـينا فضلكُـن
أوها والـيــوم عـنّـا أوها إنشاء الله بُكرة عندكُن
لي لي لي لي ليش


أوها يا ما قعـدوا جنبـي أوها ويا ما حرقـوا قلبي
أوها وقالوا فلان ما بيتجوز أوها تجوّز و نصرني ربي
لي لي لي لي ليش


أوها يا صحـن حليـب أوها وكل ما برد بيطيب
أوها نحـنـا أهـليـة أوها وما في حدا غريب
لي لي لي لي ليش


أوها العريـس يا واحد أوها وعروسته يا اتنيـن
أوها يـا خـرزة زرقا أوها تـردّ عنهن العيـن
لي لي لي لي ليش


أوها يا عـريـس لا تعبـس أوها افريد هالبقجـة والبـس
أوها شواربك عروق الريحان أوها وسوالفها عروق
لي لي لي لي ليش




تستمر النسوة في إحياء فرحتهن، فيغنّين ويطربن ويرقصن.
ولعل من أكثر الأغاني الشعبية شيوعاً في مثل هذه المناسبة أغنية
"اسم الله.. اسم الله يا زينة"،
وفيها تغني معظم الحاضرات بأداء اللازمة:


اسم الله.. اسم الله يا زينة يا وردة جـوّا الجنينة
زهر القرنفل يا عروسة يا ورد خـيّـم عـلينا


وتنفرد إحداهن بأداء مقاطع الأغنية.
وكلما أدت مقطعاً، كررت الأخريات اللازمة السابقة:


قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية


قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة


قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية


قـومي العـبي بقميصـك كل العرسان على كيسك
الله يخلـي لـك عريسـك أبـو عـيـون عسـلية


وياللا ياااصبايا أللي بدها تضيف عليهم لا تقصر


ملطووووووووووووووووووش لعيونكم bigsmile.gif
جوجو 2008
آخر تحديث: 30 سبتمبر, 2020
السلام عليكم
حلوه قوي شوقتيني احضر فرح شامي
ام فرح وجودي
آخر تحديث: 30 سبتمبر, 2020
واو بيجننوا كتير حلويييييييييينننننننننننن

نحن في حلي غير الشام ما عنا هالتهاليل

أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش

ما بعرف غير هي......كتير شكرا حبيبتي
بلاد الشام
آخر تحديث: 30 سبتمبر, 2020
class="quote">اقتباس : المشاركة التي أضيفت بواسطة ام فرح وجودي:
واو بيجننوا كتير حلويييييييييينننننننننننن

نحن في حلي غير الشام ما عنا هالتهاليل

أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش

ما بعرف غير هي......كتير شكرا حبيبتي
شكرا على مرورك وتعليقك الرائع
بلاد الشام
آخر تحديث: 30 سبتمبر, 2020
class="quote">اقتباس : المشاركة التي أضيفت بواسطة جوجو 2008:
السلام عليكم
حلوه قوي شوقتيني احضر فرح شامي
اتفضلي حبيبتي عرس ابن خالي الخميس القادم بتشرفي
والله اسعدني مرورك
فوفو2010
آخر تحديث: 30 سبتمبر, 2020
وااااااااااااااااااو كتيييييييييييييير حلووين شهتينى احضر عررس شامى

يسلموووووووووووووو

يلي بتتزوج بالشام تعزمنى ها ههههههههههههههه
الصفحات 1 2  3  4 

التالي

الغباء عند بعض الناس

السابق

تفسير الاغاز الشامية

كلمات ذات علاقة
شامية , زغاريد