بونو بونو .. يا جماله يا جماله
مجتمع رجيم / مقهى وردات رجيم
كتبت :
كلمة صدق
-
مش عارفة أبدأ كلامي ازاي
بس اكيد يعني اللي بتشوف قناة الحياة ايام السبت والاحد والاثنين الساعة 1 الظهر تعرف انا قصدي ايه ...
انا هنا مش قصدي اتريق او اعيب او اي حاجة تحمل هذا المعنى لا سمح الله
انا بس متغاظة من حاجة ونفسي اتفك هههههههه
ايه بقى الحاجة اللي تغيظ
المكالمات الهاتفية في البرنامج ده بتحرق دمي خاصة من السبت للاثنين ..
اشمعنى من السبت للاثنين بالذات ..
هقولكم ..
عشان البرنامج ده المفروض اللي بيقدمه شيف راجل ..
واللي بيتصلوا بالنبرنامج بما انه برنامج طبخ بيكونوا سيدات ..
وتلاقي الردود مستفزة
والله انا بحبك قوي يا شيف ..
والشيف يرد عليها ..
ربنا يخليك ليا ..
وكلمات مثل هذا السياق
بجد انا ببقى متغاظة جدا ونفسي لو في مرة ربنا قدرني اتكلم في البرنامج ده عشان اهزق الراجل ده واهزق كل واحدة تتكلم بالاسلوب ده
يعني ايه واحدة ست او حتى بنت تتكلم على الهوا كده وتقول لراجل غريب عنها انا بحبك قوي يا شيف ..
وازاي واحدة ست متزوجة ومحترمة تسمح لنفسها انها تقول كلمة زي دي .. وازاي تقبل انه يرد عليها ويقول لها ربنا يخليك ليا .. او يا حبيبة قلبي ..
بجد انا مستغربة من القيم اللي تقريبا اتمحت .. وبقى العادي اننا نسمع ونشوف استهتار بكل القيم المجتمعية بالشكل ده ..
اسفة لو كنت طولت عليكم .. بس مين زي متغاظة كده ؟؟
ولا انا لوحدي اللي الحكاية دي حارقة دمها ؟؟؟!!!
