شموع في غاية الرومانسية من عند اميرة لحملة سماء الابداع
مجتمع رجيم / الموضوعات المميزة فى التجارب والحلول المنزلية
كتبت :
اميرة حلوة
-
بنات وش راكم .....ان شاء الله تكونو بخير
انا اليوم عملت شوية شموع تهبل....
.خدمتها ساهلة و تحسي انك فنانة محترفة وانت تصنعيهم
طريقة تذويب الشموع قاتلي عليها حبيبتي نهولة
في الاول جبت شوية شموع بيضاء عادية وكسرتهم بش ازيل منهم الفتيل ويجوني ساهلين في الاذابة
حبيت نعطرهم شوية بالعطر الدهني اللي تشوفوه في الصورة لكن يتجمد مباشرة في الشمع وحسيت ريحتو مش مليحة فيه يعني لغيت فكرة التعطير
اصلا انا ها الشمعات مش راح نشعلهم راح نخليهم للديكور
حبيت كذلك نلوهم استعملت الملون الغذائي و في كمية شمع اضفت بزاف ملون لكن تحصلت على وردي ضئيييييييييييل عملتو في شمعة الوردة اذا تشوفوه
يعني زدت لغيت فكرة التلوين
وقررت ازين بالملمع فقط
والمرة الجاية ان شاء الله اجرب لون بالالوان الشمعية تاع الاطفال
اظنها تنجح لكن اذا شعلنا الشمعة وذابت ممكن تكون الريحة
وبعد جبت قالب صغير تاع بلاستيك وسخنت سيخ معدني وعملت بيه ثقب في قاعدة القالب ودخلت فيه الفتيل ودهنت القالب بالزيت
وشوفو الصورة لما دخلت الفتيل عقدتو عقدة كبيرة بش نخلي الخيط اللي نشعلو و نسد بالعقدة الثقب بش الشمع الذائب مايخرجش من الثقب
وشوفو هنا عملت شوية ملمع غبرة في قاع القالب بش ينشف الشمع عليه و صبيت فيه الشمع الذائب وخليتو يبرد وبالسكين حكمت الفتيل معلق
